Ioane 17:23 - Miriam Mer Gospels 1902

²³ Kaka muige uiabi nerkep ge, a mama muige kara nerkep ge, ueakai uiaba netat: ueakai gesep umele mama kari namarida, a uiabi omare, abkoreb mama kari omare.

Ioane 17:23 ပူးပေါင်းရင်းမြစ်များ

Ioane 10:38

Ese kaka ikeli, a uaba nole kari agaret kak, debele gaire dorge egaret: iaueakai uaba umele a egaret kega, Aba karim muige, a kaka muige kara Aba.

Ioane 13:35

Ese uaba uabu omare, gaire le uridili ko umele uaba kara kaimeg giz.

Ioane 14:10

Nako, ma nole dikiapor kak, kaka muige Abaim, pako Aba karim muige? Abele gaire lu kaka uabi detager, kaka nole karbabu detager; epe Baba kari muige, E ikeli abele gaire dorge.

Ioane 14:23

Iesu abi detaut, kega, Ese le kari lag, E mena kara mer erpei: kara Baba ko abi lag, epe ki tabarki abim, a abi kemem emri.

Ioane 15:9

Mokakalam Aba kari omare, abkoreb kaka uabi omare: kara omare ge niaiem tekue.

Ioane 16:27

Aba uabi omare, abelelam uaba kari lag, a egaret, kega, Kaka Babalam.

Ioane 17:11

Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.

Ioane 17:21

Ueakai ui uridili netat; mara kaiser Baba muige kara nerkep, a kaka muige mara nerkep ge, ueakai uiaba netat meribi koreb: ueakai geseb ko oituli ma kari namarida.

Ioane 17:24

Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.

Ioane 17:26

Kaka emetu mara nei uiabim etomeret; kaka iako etomeret; ueakai omare nagri uiaba nerkep, abkoreb mama kari omare, a kaka muige uiaba nerkep ge.

Ioane 17:3

Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.

Ioane 17:8

Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.

Ioane 3:17

Ade nole emarida abara Uerem gesepem ko gesep mer barditug; epe mamoro gesep eded abielam.

Ioane 6:56

Abele le kara gem eroli, a kara mam ereli, E muige kara nerkep ge, a kaka abi nerkep ge.