Ioane 17:21 - Miriam Mer Gospels 1902

²¹ Ueakai ui uridili netat; mara kaiser Baba muige kara nerkep, a kaka muige mara nerkep ge, ueakai uiaba netat meribi koreb: ueakai geseb ko oituli ma kari namarida.

Ioane 17:21 ပူးပေါင်းရင်းမြစ်များ

MAREKO 3:24

Ese nerute baselaia epuli, abele baselaia umer kak niaiem ekue.

Ioane 10:16

Kaka nagri uader mamoe, nole abele kalam: kaka ko a uiaba tegaret, a uiaba ko kara kodo mer aserare; iaueakai netate uteb gaire mamoe, a netate asesered le.

Ioane 10:30

Kaka pako Aba, ki netat.

Ioane 10:38

Ese kaka ikeli, a uaba nole kari agaret kak, debele gaire dorge egaret: iaueakai uaba umele a egaret kega, Aba karim muige, a kaka muige kara Aba.

Ioane 11:42

Kaka umele mama mena kari asoli: kaka emetu abele detager abelelam gaire le lakub derumeda, iaueakai uiaba ko egaret ma kari namarid.

Ioane 13:32

Ese E Ade despili, Ade ko abi despili, a ko elele abi despili.

Ioane 13:35

Ese uaba uabu omare, gaire le uridili ko umele uaba kara kaimeg giz.

Ioane 17:11

Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.

Ioane 17:18

Mokakalam mama kari gesepem namarida, mokakalam kaka uiabi gesepem namarida.

Ioane 17:20

Kaka nole esorerapare uiabim tepteb, epe uiabim ko kari oituli uiaba merlam:

Ioane 17:25

Geseb ge nole mari opasereret kak, Aba barkak: epe kaka mari opasereret, a uiaba umele mama kari namarida.

Ioane 17:3

Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.

Ioane 17:8

Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.

Ioane 3:17

Ade nole emarida abara Uerem gesepem ko gesep mer barditug; epe mamoro gesep eded abielam.

Ioane 5:23

Eko gaire le uridili Uerem naospereda, mokakalam uiaba Aba naospereda. Abele le nole Uerem naospereda, E ko nole Aba naospereda, abi emariklu.