Ioane 16:7 - Miriam Mer Gospels 1902

⁷ Ege kaka uabi detager ageakar, kega, Debele uabim kaka bakeam: abelelam ese kaka nole bakeam, Upiatidar nole tabarki uabim: ese kaka bakeam, kaka ko abi emarida uabim.

Ioane 16:7 ပူးပေါင်းရင်းမြစ်များ

Luka 24:49

Dasmer, kaka uabim namarida nerute le, kara Aba uabi uadetomertare: debele uaba emeri abele uteb, nei Ierusalema, iaueakai uaba nagri adigir kotor ge.

Luka 4:25

E ko detager, kega, Ageakar, kaka uabim detaut, Abele kerker Elia emeri Isaraela, uader kosker uiaba kimiar eumid, epe kotor dimi thri urut pako sikes meb, abele ged uridili uererege;

Luka 9:27

Ageakar, kaka uabim detager, kega, Uader peike, uiaba nole eud kak, kekiam uiaba Ade ra baselaia dasmerauem.

Ioane 14:26

Abele Upiatidar, Lamar Zogo, Baba de ko namarida kari nei ge, E ko uabi dereuered gaire lu uridili, a ko uabim dikiaporare gaire lu uridili kaka uabi detager.

Ioane 14:28

Uaba emetu asoli kaka uabi detager, kega, Kai nabakeamulu, kaka iako tabakeam uabim. Ese uaba kari lag, uaba ko sererge kara mer, kega, Kaka Abem nabakeamulu: abelelam kara Aba aule kari tumge.

Ioane 14:3

Ese ka nabakeamulu uteb derser uabim, kaka iako tarabue, uabi taisare karbabim: ueakai uaba kari kemem emri.

Ioane 15:26

Ese Upiatidar tabarki, kaka ko uabim emarida Abalam, pe ageakar Lamar, uatabu Abalam, E ko karim ageakar.

Ioane 16:8

E emetu tabarki, E ko geseb ge akmerem tonar uit, a barkak, a mer barditug:

Ioane 7:39

E detager abele Lamar Zogolam, uiaba gaire le abi oituli ko erpei abele. Lamar Zogo nole tabarki; abelelam Iesu nole eded akaida.