Ioane 16:32 - Miriam Mer Gospels 1902

³² Dasmer, kerker ko tabarki, ia ike, uaba ko kepu bamarida boaiem, a kaka tepteb: nolea kaka tepteb, abelelam Aba kari dog.

Ioane 16:32 ပူးပေါင်းရင်းမြစ်များ

Mataio 26:31

Ege Iesu uiabi detager, Uaba uridili ezigmada karielam abele ki ge; emetu detali, kega, Kai le mamoe asesered ipiti, epe mamoe giz kepu bamarid.

Mataio 26:56

Gaire lu uridili ikerare, iaueakai bakedilu gaire perofeta giz uiaba iauali. Abara kaimeg giz abi dikaerti, a uiaba derar.

MAREKO 14:27

Iesu uiabi daratagereda, kega, Uaba uridili ko ezigmada karielam abele ki ge: emetu detali, kega, Kai le mamoe asesered ipit, epe mamoe giz kepu bamarida.

MAREKO 14:50

Uiaba uridili abi dekaerti, a koreder bameri.

Ioane 12:23

Iesu uiabim detaut, kega, Kerker idali, Le la Uerem despili.

Ioane 16:2

Uiaba ko uabi dituaki sunagolam: kerker ko tabarki abele le uabi ipitare, E ko dikiapor E Ade ra dorge ikeli.

Ioane 16:25

Kaka emetu uabi detager abele gaire lu mer babisdarie: kerker ia uatabaruk, kaka nole uabi detager mer babisdarie, epe kaka ko uabim paret kak detaut Abem.

Ioane 16:31

Iesu uiabi detaut, kega, Nako, peirdi, uaba dikiapor?

Ioane 19:27

E ko detager abele kaimeg, Dasmer mara apu! Abele kaimeg abi tegaredelu abara uteb abele haua ge.

Ioane 20:10

Neisi kaimeg iako tabara uteb bakeamudariei.

Ioane 4:21

Iesu abi detager, kega, Kosker, kari asoli, kerker tabarki, uaba nole esorerapare Abem abele paser ge, a nole Ierusalema ge.

Ioane 4:23

Kerker ia uatabu, a peirdi, gaire le esorerapare, ko Abem esorerapare lamarem, a ageakarem; abelelam Aba deraimer gaire le mokakalam ko abim esorerapare.

Ioane 5:25

Ageakar, ageakar, kaka uabi detagereda, kega, Kerker ge maike uatabu, a peirdi, gaire eud Ade Ueremer ra kodo mer asoli; uiaba asoli ko ededem.

Ioane 5:28

Nole abele ezigmada; abelelam kerker uatabu, gaire le aolam ko asoli abara kodo mer,

Ioane 8:16

Ese kaka erkepse irmi, ageakar kaka erkepse irmi; abelelam kaka nole tepteb, epe kaka pako Baba, kari namarida.

Ioane 8:29

E kari dog, kari namarida; E nole kari nakaerti; abelelam kaka gaire lu ikeli abim sererge.