Ioane 16:22 - Miriam Mer Gospels 1902

²² Peirdi, uaba nagri okasosok: kai iako uabi dasmer, ege uaba nerkep sererge, nole nerute le uabi sererge itker.

Ioane 16:22 ပူးပေါင်းရင်းမြစ်များ

Mataio 28:8

Ui bakeamlei dudum abele aolam, ui geum a au sererege; a koreder etomeret abara kaimeg giz.

Luka 10:42

Nerute lu pe debele; ege Maria de dikiapore debe lu, nole nerute le abielam ais.

Luka 16:25

Ege Aberahama de abi detager, kega, Kara uerem, ma dikiapor, gaire debe lu ma nagri mara eded, a Lazaro nagri adud lu abara eded: a peirdi E nagri sererege, a ma au asiasi.

Luka 19:26

Abelelam kaka uabi detagereda, Ese le nagri lu, E ais; ese nerute le nolea lu kak, E itkamer abara lu.

Luka 24:41

A uiaba nole oatur kak, abelelam uiaba au sererege, a damared, E uiabi daratagerare, kega, Nako uaba nagri leuer?

Ioane 14:1

Nole okasosok uaba nerkep: uaba Adim oituli, karim oituli ko.

Ioane 14:19

Menaba gesep nole kari asmer kak; epe uaba kari nasmerare: abelelam kaka eded, ua ko eded.

Ioane 14:27

Mapodan kaka uabi dog ikeli; kaka uabi ikuar kara mapodan: kaka nole uabi ikuar mokakalam gesep ikuar. Nole okasosok uaba nerkep, a nole geum.

Ioane 16:16

Menaba, uaba nole kari asmer kak: iako menaba, uaba ko kari nasmer, abelelam kai Abem nabakeamulu.

Ioane 16:20

Ageakar, ageakar, kaka uabi detagereda, kega, Ua ko ebazoli, a okabatagereda, a geseb ko sererge: uaba ko okasosok, abele uaba okasosok ko depegili ko sererge.

Ioane 16:6

Uaba nerkep au okasosok, abelelam kaka uabi detager abele gaire mer.

Ioane 21:7

Abele kaimeg Iesu nasge Peteru detager, kega, Opole pedali. Simona Peteru asoli, kega, Opole pedali, E tabara uali kot ame (abelelam E no gem), E gurim eupamalu.

Ioane 4:14

Eko le aree abele ni kaka ikuar, E nole niap kak niai karem; abele ni kaka ko abi ikuar, mena abi kem ge ni tomeili eded aseamur kak.