Ioane 16:20 - Miriam Mer Gospels 1902

²⁰ Ageakar, ageakar, kaka uabi detagereda, kega, Ua ko ebazoli, a okabatagereda, a geseb ko sererge: uaba ko okasosok, abele uaba okasosok ko depegili ko sererge.

Ioane 16:20 ပူးပေါင်းရင်းမြစ်များ

Mataio 21:38

A gaire uina gedub le uiaba erdali abara uerem, ege uiaba mer atager, Abara kesem peike; tabakeuare meriba abi ipit eumilu, iaueakai meriba ais abara ged.

Mataio 5:4

Uerkab uader le okasosok; abelelam nagri uiaba okadraseked.

MAREKO 14:72

Kimiar faul neisiem ereretikri. A Peteru dikiapor abele mer Iesu abi detager, kega, Kimiar faul nole neisi ereretikri, ma ko thri kari nasared. E dikiapor, a E bazoli.

MAREKO 16:10

E dali bakeamulu, a uiabim gaire le Iesu ra kemem natomelu, uiaba noge okasosok a bazoli.

Luka 22:45

E emetu esorerapare, a ekueilu bakeamulu taba kaimegem, a uiabi naradarare ui ge utirdeder, uiaba nerkep au beber,

Luka 22:62

Ege Peteru adem eosmelu, a au ezoli.

Luka 23:27

A gaire le lakub abi irmili, a kosker giz, a uiaba bazuer.

Luka 24:17

Ege E uiabi daratager, kega, Nalu mer pe ua batagreiei, pe ua dekase, a uaba pone mokakalam okasosok?

Luka 24:21

Keriba dikiapor E uerkab Isaraela. A gaire lu uridili, abele gerger thri gerger, abele lu ikeli.

Luka 6:21

Uerkab uaba uererege peirdi: abelelam uaba kem osmeda. Uerkab uaba ezoli peirdi: abelelam uaba sererege.

Ioane 16:33

Kaka uabi detager abele gaire lu, ueakai uaba mapodan nagri karielam. Uaba asiasi nagri geseb ge: ua ko saserim, kaka emetu geseb degmori.

Ioane 16:6

Uaba nerkep au okasosok, abelelam kaka uabi detager abele gaire mer.

Ioane 20:20

Emetu abele detager, E abara neisi tag a abara ber uiabi natomelu. Abara kaimeg giz sererge Opole dasmer.