Ioane 16:2 - Miriam Mer Gospels 1902

² Uiaba ko uabi dituaki sunagolam: kerker ko tabarki abele le uabi ipitare, E ko dikiapor E Ade ra dorge ikeli.

Ioane 16:2 ပူးပေါင်းရင်းမြစ်များ

Mataio 10:28

Uaba nole geum uader le uaba gem ipit eumid, a umer kak uiaba ipit eumid uaba lamar; a mamoro uaba geum abele le E umele dedkoli abele lamar pako gem Genaim.

Mataio 24:9

Ege uiaba uabi namarkare abele asiasi, pako uiaba uabi deres eumida; a gaire ged uridili uabi derar kara neilam.

Luka 6:22

Uerkab uaba uader au urker uabim, pako uabim daratirieda, pako dedkoli uaba nei mokakalam adud lu, Le la Ueremlam.

Ioane 12:42

Gaire uiabielam tarim le abi oituli; epe uiaba nole etomeret kak gaire Faresaiolam, uiabi amulam sunagolam:

Ioane 16:25

Kaka emetu uabi detager abele gaire lu mer babisdarie: kerker ia uatabaruk, kaka nole uabi detager mer babisdarie, epe kaka ko uabim paret kak detaut Abem.

Ioane 16:32

Dasmer, kerker ko tabarki, ia ike, uaba ko kepu bamarida boaiem, a kaka tepteb: nolea kaka tepteb, abelelam Aba kari dog.

Ioane 4:21

Iesu abi detager, kega, Kosker, kari asoli, kerker tabarki, uaba nole esorerapare Abem abele paser ge, a nole Ierusalema ge.

Ioane 4:23

Kerker ia uatabu, a peirdi, gaire le esorerapare, ko Abem esorerapare lamarem, a ageakarem; abelelam Aba deraimer gaire le mokakalam ko abim esorerapare.

Ioane 9:22

Abara aba a apu abele detaut, abelelam uiaba Iudaia giz geum: Iudaia giz netate mer, kega, Ese nerute le abi abeilu Keriso pedali, uiaba ko abi imuare sunagolam.

Ioane 9:34

Uiaba abi detaut, kega, Ma eosmeda uitelam, nako ma keribi okadeskeda? Uiaba abi imuare.