Ioane 16:19 - Miriam Mer Gospels 1902

¹⁹ Iesu umele uiaba laglag abim bautumer, E uiabim detaut, kega, Nako uaba uabu deraimerare kara merlam detaut, kega, Menaba, uaba nole kari nasmer, iako menaba, uaba ko kari nasmer?

Ioane 16:19 ပူးပေါင်းရင်းမြစ်များ

Mataio 6:8

Dasmerare, uaba nole mokakalam uiaba; abelelam uaba Aba ge erdar gaire lu uridili uaba nole nagri, a ua nole amosi kak.

Mataio 9:4

Ege Iesu de nardarare uiaba dikiaporare, epe E uiabim, kega, Nalugelam uaba adud dikiaporare uaba nerkep ge?

MAREKO 9:32

Epe uiaba nole akmer kak abele mer, ui geum ko abim eutumer.

Ioane 13:33

Omasker, teupei kaka uabi dog. Uaba ko kari naraimili; mokakalam kaka Iudaia giz detaut, mokakalam kaka uabi detaut peirdi, kega, Abele uteb kaka bakeamulu, uaba umer kak ko bakeam.

Ioane 14:19

Menaba gesep nole kari asmer kak; epe uaba kari nasmerare: abelelam kaka eded, ua ko eded.

Ioane 16:16

Menaba, uaba nole kari asmer kak: iako menaba, uaba ko kari nasmer, abelelam kai Abem nabakeamulu.

Ioane 16:18

Uiaba detager, kega, Nalu E detaut, kega, Menaba? Meriba nole akmer kak abele mer E detaut.

Ioane 16:23

Abele gerger dali uaba nole nerute lu damos karielam. Ageakar, ageakar, kaka uabi detager, kega, Abele gaire lu uaba damos Babalam muige kara nei ge, E ko uabi dekuarare.

Ioane 16:26

Abele gerger, uaba ko damos kara neilam: kaka nole uabi detager, kega, Kaka Abem damos uabim.

Ioane 16:30

Peirdi, keriba umele mama opasereret gaire lu uridili, nole lu kar marim nerute le ko marim eutumer: abelelam keriba dikiapor mama tarabu Adelam.

Ioane 21:17

E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.

Ioane 6:61

Iesu umele, taba nerkep ge, abara kaimeg giz gumik mer atager abele, E uiabim detaut, kega, Nako, abele uabi bamsili?

Ioane 7:33

Iesu uiabim detaut, kega, Teupai kaka uabi dog emri, kerker maike kaka abim bakeamulu, kari namarida.