Ioane 15:7 - Miriam Mer Gospels 1902

⁷ Ese uaba kara nerkep ge bameri, a kara mer uabi nerkep ge tarageri, ua ko damsare gaire lu uaba lagelag, ueakai ikeli uabim.

Ioane 15:7 ပူးပေါင်းရင်းမြစ်များ

Mataio 7:7

Ua abi damsare, iaueakai uabi nakuarare; a uaba deraimerare, epe uaba erdali; a uaba abi dida mudumud iaueakai uabim diski.

Ioane 14:13

Gaire lu uridili ua damsare kara nei ge, kaka ikeli abele, ueakai Aba despili Uermet.

Ioane 15:16

Uaba nole kari natarare, epe kaka uabi ditararda, a uabi depegereda, ueakai ua bakuare turum turum, a uaba turum niaiem tekue: ueakai Baba de ua dekuarare gaire lu uridili ua abi damsare kari neilam.

Ioane 16:23

Abele gerger dali uaba nole nerute lu damos karielam. Ageakar, ageakar, kaka uabi detager, kega, Abele gaire lu uaba damos Babalam muige kara nei ge, E ko uabi dekuarare.

Ioane 8:31

Iesu detager, uiabim gaire Iudaia le giz abim oituli, kega, Ese kara mer niaiem uabi dog, uaba kara kaimeg giz kar;

Ioane 8:37

Kaka umele uaba Aberahama ra omasker; epe nako uaba deraimer kari ipit, abelelam kara mer nole uabi nerkep ge.