Ioane 15:24 - Miriam Mer Gospels 1902

²⁴ Ese kaka nole ikeli gaire lu uiaba opem, nole nerute le ikeli, uiaba nole uit kak: peirdi uiaba kari nasmer, a kari naorti, pako kara Aba ko.

Ioane 15:24 ပူးပေါင်းရင်းမြစ်များ

Mataio 11:5

Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.

Mataio 21:32

Abelelam Ioane kekiam uabim tabarki barkak tonar ra gab, ege uaba nole abi oatur kak; ege gaire telona giz pako gab kosker giz abi egardare; a uaba umele erdali, a uaba nole keubu obazged, ueakai abim oituli.

Mataio 9:33

E abi imuare abele demoni; ege le mamoro mer etakalu, abele le te dabimdabim: ege lekub uiaba abi damarare, a mer detagerare, kega, Emeretalam meriba nole erdali nerute lu mokakalam Isaraela ge.

MAREKO 2:12

E ekueda, a sobkak tabara sik ekaida, a E osmeda uiaba op uridili; abelelam uiaba uridili damereda, a Ade despili, kega, Meriba nole dasmerauem tonar mokakalam.

Luka 24:19

E uiabi daratager, kega, Nalu lu? A uiaba detaut, kega, Abele lu Iesu Nazareta le, E perofeta, E au saserim gaire lu ikeli, pako abara mer Ade ra opem, pako abele ged uridili:

Ioane 10:32

Iesu uiabim detager, kega, Dordor gaire debe dorge kaka uabi detomereta karba Abalam; na dorgelam uaba kari bakeru natimeda?

Ioane 10:37

Ese kaka nole ikeli abele gaire kara Aba ra dorge, nole kari agaret kak.

Ioane 12:10

Gaire tarim zogozogo le mer atager ko Lazaro ipit eumilu;

Ioane 12:45

Abele le kari nasmili, E abi dasmer kari namarida.

Ioane 14:9

Iesu abi detaut, kega, Nako, kaka emeret uabi dog, mama Filipo nole kari nasmeli? abele le kari nasmer, E kara Aba nasmeli; nako mama detaut, kega, Abet keribi detomereta?

Ioane 15:21

Abele gaire lu uridili uiaba uabim ikeli kara neilam, abelelam uiaba nole abi umer kak kari namarida.

Ioane 15:22

Ese kaka nole tarabu ko uiabi daratagerare, uiaba nole uit kak: peirdi nole nerute lu ko uiaba uit batkamda.

Ioane 15:23

Abele le kari naorar, E kara Abet naorarti.

Ioane 16:9

Uitelam, abelelam uiaba nole karim oituli:

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 5:36

Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.

Ioane 6:36

Kaka uabi detagereda, kega, Emetu uaua kari nasmereda, pe nole uatur kak.

Ioane 7:31

Gaire lekublam abi oituli; uiaba detager, kega, Ese Keriso tabarki, nako, E ko ikeli gaire atamelam tumem E ikeli?

Ioane 9:32

Netede asoli emeret ge nerute le umele diski neisi pone abele le sadamer teosmelu?

Ioane 9:41

Iesu uiabim detaut, kega, Ese uaba sadamer, uaba nole adud nagri; epe uaba detager, kega, Keriba dasmer: uaba uit mena dali.