Ioane 15:22 - Miriam Mer Gospels 1902

²² Ese kaka nole tarabu ko uiabi daratagerare, uiaba nole uit kak: peirdi nole nerute lu ko uiaba uit batkamda.

Ioane 15:22 ပူးပေါင်းရင်းမြစ်များ

Luka 12:46

Abele opole tabaruk abele gerger ge abara memeg le nole arser kak, abele mog gerger E nole ardar kak, ege E au dulam, ege E tedais abara dorge okakis uader nole asor kak.

Ioane 12:48

Abele le kari natuaki, a nole kara mer egaret, abi dog dulam: abele mer kaka detaut, E dali abi dulam keubu gerger.

Ioane 15:23

Abele le kari naorar, E kara Abet naorarti.

Ioane 15:24

Ese kaka nole ikeli gaire lu uiaba opem, nole nerute le ikeli, uiaba nole uit kak: peirdi uiaba kari nasmer, a kari naorti, pako kara Aba ko.

Ioane 16:9

Uitelam, abelelam uiaba nole karim oituli:

Ioane 19:11

Iesu detaut, kega, Ese nole mari nakuar kotorlam, Ma nole adigir nagri kari tumge: abelelam au uit abele le kari nakuar marim.

Ioane 9:41

Iesu uiabim detaut, kega, Ese uaba sadamer, uaba nole adud nagri; epe uaba detager, kega, Keriba dasmer: uaba uit mena dali.