Ioane 15:15 - Miriam Mer Gospels 1902

¹⁵ Kaka nole iako uabi detager uaba memeg le giz; abelelam memeg le umer kak abele lu abara opole ikeli: kaka detaut uaba kara boai; abelelem gaire lu uridili kaka asoli kara Abalam, kaka uabi detomeret.

Ioane 15:15 ပူးပေါင်းရင်းမြစ်များ

Mataio 13:11

Ege E etkalu uiabim, kega, Uabi ikuar, iaueakai uaba umele gaire gumik lu abele kotor baselaia ge, a uiabi nole akuar kak.

Luka 10:23

Ege E basker taba kaimegem, a kebi mer uiabim, Uerkab abele pone emetu erdali uader lu uaba erdada:

Ioane 12:26

Ese nerute le kara memeg le, abara dorge kari narmili; abele uteb kaka emri, kara memeg le la uteb dali: ese nerute le kari memeg le, Baba de abi despili.

Ioane 13:16

Ageakar, ageakar, kaka uabi detager, kega, Memeg le nole aule tumem abara opole; a nole abele le namarida tumem abele le abi namarida.

Ioane 15:20

Dikiaporare kara mer kaka uabi detager, kega, Memeg le nole aule tumem abara opole. Ese uiaba emetu kari natkoli, uiaba ko uabi dedkoeda; ese uiaba emetu kara mer erpei, uiaba ko uaba mer erpei.

Ioane 16:12

Kara no nagri dordor lu ko uabi detager, epe peirdi uaba nole umer kak egaret.

Ioane 17:26

Kaka emetu mara nei uiabim etomeret; kaka iako etomeret; ueakai omare nagri uiaba nerkep, abkoreb mama kari omare, a kaka muige uiaba nerkep ge.

Ioane 20:17

Iesu abi detaut, kega, Nole kari atutir kak; abelelam kaka nole karba Babim ogi: bakeamulu uiabim kara keimer giz, a uiabi daratagerare, kega, Kaka Abem pako uaba Aba ogi, kara Ade a uaba Ade.

Ioane 4:19

Koskeret abi detager, kega, Kole, kaka erdali mama perofeta.

Ioane 8:26

Kaka nagri dordor lu ko detager, a ko dikiapor uabim: E ageakar, kari namarida; kaka gesepem detager gaire lu kaka asoli abielam.