Ioane 15:10 - Miriam Mer Gospels 1902

¹⁰ Ese uaba kara gelar irmili, uaba ko niaiem tekue kara omare ge: mokakalam kaka Baba ra gelar irmili, epe kaka niaiem tekue abi omare ge.

Ioane 15:10 ပူးပေါင်းရင်းမြစ်များ

Ioane 10:18

Nole nerute le itke karielam, kaka karbabu ikuar: kara adigir nagri ko kara eded ikuar, a kara adigir nagri iako takalu. Abele gelar kaka erpei kara Abalam.

Ioane 12:49

Kaka nole karbabu detaut; epe Baba de kari namarida, E kari gelar nakuar abele lu kaka ko detager, a detaut.

Ioane 14:15

Ese uaba kari lag, uaba ko kara gelar irmili.

Ioane 14:21

Abele le kara gelar nagri, a abele irmili, E kari lag: abele le kari lag Baba abi lag, a ka ko abi lag a kari natomelu abim.

Ioane 14:23

Iesu abi detaut, kega, Ese le kari lag, E mena kara mer erpei: kara Baba ko abi lag, epe ki tabarki abim, a abi kemem emri.

Ioane 14:31

Ueakai geseb umele kaka Babe lag, a kaka ikeli mokakalam Baba de kari mer tigri. Tekue, nabakeuare.

Ioane 17:4

Kaka emetu mari naospili geseb ge, kaka emetu eseamuda abele dorge ma kari nakuar ko akere.

Ioane 4:34

Iesu uiabi detager, kega, Kara leuer ko ikeli abara lag, kari namarida, a ko eseamuda abara dorge.

Ioane 8:29

E kari dog, kari namarida; E nole kari nakaerti; abelelam kaka gaire lu ikeli abim sererge.

Ioane 8:55

Uaba nole abi umer kak: kaka abim umele; ese kaka detaut, kega, Kaka nole abi umer kak, kaka iako besbes mokakalam uaba; epe kaka abim umele, a abara mer asoli.