Ioane 14:6 - Miriam Mer Gospels 1902

⁶ Iesu abi detaut, kega, Kaka gab, a ageakar, a eded; nole le Abem bakeam, ese nole gab kari dog.

Ioane 14:6 ပူးပေါင်းရင်းမြစ်များ

Mataio 11:27

Kara Aba kari nakuarare gaire lu uridili; nole le erdali abele Uerem, epe abele Aba; a nole le erdali abele Aba, epe Uerem tepteb, pako nerute le Uerem lagelag abi etomeret.

Ioane 1:14

Logo depeger le gem ise, a E meribi dog emrilu, (a keriba abara zorom dasmerare, zorom mokakalam Aba ra Uerem netat,) mitkar omare, a ageakar.

Ioane 1:17

Abele gelar Mose de dekuarare, abele omare a ageakar tonar, Iesu Kerisolam.

Ioane 1:4

Eded abi dog; a eded gaire le daratkeda.

Ioane 10:28

A Kaka ko uiabim ikuar eded aseamur kak; a uiaba nole eud kak niaiem niai karem, a nole le uiabi natkedarare kara taglam.

Ioane 10:7

Iesu iako uiabim detaut, kega, Ageakar, ageakar, kaka uabi detager, kega, Kaka mamoe giz ra te.

Ioane 10:9

Kai te nali; ese nerute le kari dog balu, E ko eded, ako balu, a eosmelu, a ko leuer nagri.

Ioane 14:19

Menaba gesep nole kari asmer kak; epe uaba kari nasmerare: abelelam kaka eded, ua ko eded.

Ioane 15:1

Kaka uina kar, kara Aba uina paret le.

Ioane 18:37

Pilato abi detager, kega, Nako, ma opole? Iesu detaut, kega, Ma detager kaka opole. Abelelam kaka naosmeda, abelelam kaka gesepem tarabu, ueakai kaka ko ageakar ageakarem. Gaire le uridili ageakalam kara kodo mer asoli.

Ioane 5:21

Mokakalam Aba gaire eud obakiam, a uiabi nadgirare; mokakalam Uerem nadgirare gaire le E laglag.

Ioane 6:33

Abelelam Ade ra areto dali kotorlam tabi, a eded nakuarare gesepem.

Ioane 6:51

Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.

Ioane 6:57

Mokakalam Baba eded kari namarida, a kaka ko eded Babalam: mokakalam abele le kari naroli, E ko eded karielam.

Ioane 6:68

Simona Peteru abi detaut, kega, Kole, nitim keriba bakeam? mari dog gaire eded mer aseamur kak.

Ioane 8:32

Uaba ko ageakar akmer, abele ageakar ko uabi emariklu.

Ioane 8:51

Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.