Ioane 14:4 - Miriam Mer Gospels 1902

⁴ Uaba umele abele uteb kaka nabakeamulu, uaba gab umele ko.

Ioane 14:4 ပူးပေါင်းရင်းမြစ်များ

Luka 24:26

Abkoreb Keriso kekiam au asias gaire lu mokakalam, a keubu abara zorom tabarki.

Ioane 10:9

Kai te nali; ese nerute le kari dog balu, E ko eded, ako balu, a eosmelu, a ko leuer nagri.

Ioane 12:26

Ese nerute le kara memeg le, abara dorge kari narmili; abele uteb kaka emri, kara memeg le la uteb dali: ese nerute le kari memeg le, Baba de abi despili.

Ioane 13:3

Iesu umele Aba de nakuar abi tagem gaire lu uridili, pako E Adelam, a E Adim iako bakeam,

Ioane 14:2

Dordor uteb kara Aba ra meta ge; ese nolea; kaka emetu uabi detagereda; abelelam kai nabakeamulu uteb derser uabim.

Ioane 14:28

Uaba emetu asoli kaka uabi detager, kega, Kai nabakeamulu, kaka iako tabakeam uabim. Ese uaba kari lag, uaba ko sererge kara mer, kega, Kaka Abem nabakeamulu: abelelam kara Aba aule kari tumge.

Ioane 14:3

Ese ka nabakeamulu uteb derser uabim, kaka iako tarabue, uabi taisare karbabim: ueakai uaba kari kemem emri.

Ioane 14:5

Toma abi detager, kega, Opole, keriba umer kak ma na gedim bakeam; a nalugem keriba gab umele?

Ioane 16:28

Kaka nabue Babalam, a gesepem tabarki: kaka iako geseb dekaelu, a Abem bakeam.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.