Ioane 14:27 - Miriam Mer Gospels 1902

²⁷ Mapodan kaka uabi dog ikeli; kaka uabi ikuar kara mapodan: kaka nole uabi ikuar mokakalam gesep ikuar. Nole okasosok uaba nerkep, a nole geum.

Ioane 14:27 ပူးပေါင်းရင်းမြစ်များ

Mataio 10:26

Dasmerare, uaba nole geum kak uiabim; abelelam nole nerute lu ispili, a umele paret kak etomeret; a nole nerute lu mud ge, a umele etomeret.

Luka 1:79

Datki ga baziarare gesepem kupikupiem, datki moar degrered meriba teter gab karem.

Luka 10:5

Ese uaba barot nerute meta ge, uaba kekiam meta kemle abi detager, kega, Uerkab uabim.

Luka 12:4

Kaka uabi detagereda, kabara tebud, Ua nolea geum uiaba no gem ipit, ese uaeseemu, iauaekai umer kak ko ikeli nerute lu.

Luka 2:14

Ua ge desperare Ade ra kotor lu, uerkab ge gesepem, au omare le uridili.

Ioane 14:1

Nole okasosok uaba nerkep: uaba Adim oituli, karim oituli ko.

Ioane 16:33

Kaka uabi detager abele gaire lu, ueakai uaba mapodan nagri karielam. Uaba asiasi nagri geseb ge: ua ko saserim, kaka emetu geseb degmori.

Ioane 20:19

Ki ge abele gerger, kekiam gaire sefen, emetu demare gaire te abele uteb uiaba netate gedim, abelelam uiaba Iudaia le geum ge, Iesu tabakeamulu a eipu ekueilu, a uiabi detager, kega, Mapodan uabim.

Ioane 20:21

Iesu iako uiabi detager, kega, Mapodon uabim: kaka uabi namarida mokakalam Baba kare namarida.

Ioane 20:26

Gaire gerger eit iobaru, abara kaimeg giz muige meta, a Toma uiabim kemem. Gaire te emetu demare, Iesu batimedilu, a uiabim eipu ekueilu, a detager, kega, Mapodan uabim.