Ioane 14:26 - Miriam Mer Gospels 1902

²⁶ Abele Upiatidar, Lamar Zogo, Baba de ko namarida kari nei ge, E ko uabi dereuered gaire lu uridili, a ko uabim dikiaporare gaire lu uridili kaka uabi detager.

Ioane 14:26 ပူးပေါင်းရင်းမြစ်များ

Mataio 1:18

Emereta Iesu Keriso esmelu mokakalam: Abara apu Maria au lagelage Josefaim, E deredare abara kem Lamar Zogolam, epe uiaba nole okakis.

Mataio 1:20

E okabatagere abele gaire lu, dasmer, abele Opole ra Angela etomelu abi abele peim, kega, Iosefa ae, Dauida ra uerem, ma nole geum ma ko egaret Maria mara kosker; abelelam abara kem Lamar Zogolam.

Mataio 28:19

Dasmer, uaba bakeuare gaire ged narida uridili ko uiabi ereuerem, pako uiabi bapataiso Babe ra nei ge, pako abele Uerem, pako abele Lamar Zogo:

Mataio 3:11

Kaka uabi bapataiso abele ni iaueakai uaba obazger; epe nerute le kari keubu ekas E au kale kari tumge, kaka nole abkoreb tais abara teter gab; E uabi bapataiso abele Lamar Zogo, gako abele ur;

MAREKO 12:36

Dauida detager Lamar Zogolam, kega, Iehoua kari Opole detager, kega, Ma emri kara tuter tag pek, pako kaka eseamuda mara keubu le giz ikedi ko mara teter mas.

MAREKO 13:11

Ese uiaba uaba tegared, a uaba emarida, uaba nole kekiam deraimeri a dikiapor na mer ko detager; abele gerger ua ko detager, abele mer uabi nakuar; a nole uaba detager, mamoro Laniar Zogo.

Luka 1:15

Abelelam E aule Iehoua ra opem, nole uaina are kak, pako gorog, a mitkar Lamar Zogo abele ge, ditimedelu abele kerker ge E osmelu.

Luka 1:35

A ge angela etkalu abim, kega, Lamar Zogo natabu, a Ageakar Opole ra adigir mari tumge; abelelam mabara uerem zogo, tabara nei, Ada ra Uerem.

Luka 1:41

Ege Elisabeta de asor Maria ra nas, ege uerem dekumur a detatimir muige kem ge; pako Elisabeta ra mitkar Lamar Zogo;

Luka 1:67

Ege abara aba dauer Zakaria mitkar Lamar Zogo, E ekerer perofeta dorge, kega,

Luka 11:13

Uaba adud tonar, ese uaba umele gaire debe lu naisuerare uaba omasker, mokakalam uaba Aba, emeri Kotor ge, E uabi uadekuarare Lamar Zogo uaba damos?

Luka 2:25

Ege dasmer, nerute le emeri Ierusalema ge, nei Simeona; abara tonar barkak E au geum Adim, epe abim naokaili upinati Isaraela; ege Lamar Zogo abi tumge.

Luka 24:49

Dasmer, kaka uabim namarida nerute le, kara Aba uabi uadetomertare: debele uaba emeri abele uteb, nei Ierusalema, iaueakai uaba nagri adigir kotor ge.

Luka 3:22

Epe abele Lamar Zogo uatabu abi tumge, abara roai mokakalam dibadib ise, ege abele kodo mer kotorlam, kega, Mama kara Uerem idali; kaka mari sererege.

Ioane 1:33

Kaka nole abi ardar kak: epe E dali kari taramarida ko bapataiso ni de, E kari natager, kega, Abele le ma dasmer Lamar Zogo ueeperoa abi kerem ge ueegimurua, E dali bapataiso Lamar Zogo de.

Ioane 12:16

Abara kaimeg giz nole akmer kak abele gaire lu gizlam: epe emetu Iesu despereda, uiaba dikiapor, kega, Emetu detali abele gaire lu abielam, a emetu uiaba ikerare abele gaire lu abim.

Ioane 14:16

Kaka ko Babim bali, ueakai E ko uabi ikuar nerute Upiatidar, ko uaba kemem emri niai karem,

Ioane 14:25

Kaka emetu detaut abele gaire mer uabim, kaka mena uabi dog.

Ioane 15:26

Ese Upiatidar tabarki, kaka ko uabim emarida Abalam, pe ageakar Lamar, uatabu Abalam, E ko karim ageakar.

Ioane 16:7

Ege kaka uabi detager ageakar, kega, Debele uabim kaka bakeam: abelelam ese kaka nole bakeam, Upiatidar nole tabarki uabim: ese kaka bakeam, kaka ko abi emarida uabim.

Ioane 2:22

E emetu eded akaida eudelam, abara kaimeg giz dikiaporare abele mer E uiabi daratagerare: uiaba odaratarare abele Zogo mer detarer, gako nerute mer Iesu de detauter.

Ioane 20:22

E emetu abele detager, E uiabim nerezi, a detager, kega, Lamar Zogo egaret:

Ioane 6:45

Emetu detali gaire perofeta ge, kega, Ade de uiabi uridili nereuereda. Gaire le uridili asereda Babalam, a emetu nereuereda uiaba karim tabakeuare.

Ioane 7:39

E detager abele Lamar Zogolam, uiaba gaire le abi oituli ko erpei abele. Lamar Zogo nole tabarki; abelelam Iesu nole eded akaida.