Ioane 14:24 - Miriam Mer Gospels 1902

²⁴ Abele le nole kari lag, E nole kara mer erpei: abele mer uaba asoli nole kara mer, epe Baba de kari namarida.

Ioane 14:24 ပူးပေါင်းရင်းမြစ်များ

Mataio 19:21

Iesu abim detager, Ese ma lagelag debele kemerkemer, mara tonar ma bakeam a ko terapei gaire mara lu, ma uiabi nakuarare gaire lu kak le, iaueakai mara lu nagri kotor ge gaire debe lu giz, a ma tabakeam, kari narmili.

Ioane 14:10

Nako, ma nole dikiapor kak, kaka muige Abaim, pako Aba karim muige? Abele gaire lu kaka uabi detager, kaka nole karbabu detager; epe Baba kari muige, E ikeli abele gaire dorge.

Ioane 14:15

Ese uaba kari lag, uaba ko kara gelar irmili.

Ioane 14:25

Kaka emetu detaut abele gaire mer uabim, kaka mena uabi dog.

Ioane 3:11

Ageakar, ageakar, kaka mari natager, kega, Keriba detagereda abele gaire lu keriba erdarda, a ageakarem abele gaire lu keriba dasmereda; epe uaba nole arpeir kak abele keriba ageakarem.

Ioane 3:34

E dali Ade de temarida mer atagerem gaire Ade ra mer: abelelam E nole Lamar Zogo ikuar au tale lu ge de.

Ioane 5:19

Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.

Ioane 5:38

Abara mer nole uabi nerkep ge; abelelam uaba nole uatur kak abim, E namarida.

Ioane 7:16

Iesu uiabim detaut, kega, Nole karielam kara ereuere, epe abielam, kari namarida.

Ioane 7:28

Iesu ereretiki zogo meta ge, E okadeskeda a detager, kega, Uaba kari umele, a uaba umele kaka nagelam; kaka nole karbabu tabarki, E ageakar, kari namarida, a uaba abi umer kak.

Ioane 8:26

Kaka nagri dordor lu ko detager, a ko dikiapor uabim: E ageakar, kari namarida; kaka gesepem detager gaire lu kaka asoli abielam.

Ioane 8:28

Iesu uiabim detaut, kega, Ese uaba Le la Uerem armem tagis, uaba ko akmer kakanali, a kaka nole karbabu nerute lu ikeli, epe mokakalam Baba kari ereuerem, kaka detaut abele gaire lu.

Ioane 8:38

Kaka detager kaka dasmer kari Baba dog: a uaba ikerare abele gaire lu uaba asoli uaba abalam.

Ioane 8:42

Iesu uiabim detaut, kega, Ese Ade uaba Aba, uaba ko kari lag: abelelam kaka nabue, a ge tabarki Adelam; kaka nole karbabu tabarki, epe E kari namarida.