Ioane 14:23 - Miriam Mer Gospels 1902

²³ Iesu abi detaut, kega, Ese le kari lag, E mena kara mer erpei: kara Baba ko abi lag, epe ki tabarki abim, a abi kemem emri.

Ioane 14:23 ပူးပေါင်းရင်းမြစ်များ

Ioane 10:30

Kaka pako Aba, ki netat.

Ioane 14:15

Ese uaba kari lag, uaba ko kara gelar irmili.

Ioane 14:17

Abele ageakar Lamar: gesep umer kak abi egaret; abelelam uiaba abi asmer kak, a nole abi akmer kak: epe uaba abi umele; abelelam E uabi dog emri, a E mena dali uabi nerkep ge.

Ioane 14:21

Abele le kara gelar nagri, a abele irmili, E kari lag: abele le kari lag Baba abi lag, a ka ko abi lag a kari natomelu abim.

Ioane 14:24

Abele le nole kari lag, E nole kara mer erpei: abele mer uaba asoli nole kara mer, epe Baba de kari namarida.

Ioane 15:10

Ese uaba kara gelar irmili, uaba ko niaiem tekue kara omare ge: mokakalam kaka Baba ra gelar irmili, epe kaka niaiem tekue abi omare ge.

Ioane 16:27

Aba uabi omare, abelelam uaba kari lag, a egaret, kega, Kaka Babalam.

Ioane 6:56

Abele le kara gem eroli, a kara mam ereli, E muige kara nerkep ge, a kaka abi nerkep ge.

Ioane 8:51

Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.

Ioane 8:52

Iudaia giz abi detautare, Peirdi keriba umele mari dog demoni. Aberahama emetu eumida, pako gaire perofeta; a mama detager, kega, Ese nerute le kara mer asoli, E eud asmer kak niai karem.