Ioane 14:2 - Miriam Mer Gospels 1902

² Dordor uteb kara Aba ra meta ge; ese nolea; kaka emetu uabi detagereda; abelelam kai nabakeamulu uteb derser uabim.

Ioane 14:2 ပူးပေါင်းရင်းမြစ်များ

Luka 14:22

Ege memeg le lut abi detager, kega, Opole, ege emetu ge esemulu gaire lu ge ma natomeret, epe abele meta nole le kak.

Ioane 13:33

Omasker, teupei kaka uabi dog. Uaba ko kari naraimili; mokakalam kaka Iudaia giz detaut, mokakalam kaka uabi detaut peirdi, kega, Abele uteb kaka bakeamulu, uaba umer kak ko bakeam.

Ioane 13:36

Simona Peteru abi detaut, kega, Opole, ma na gedim bakeam? Iesu abi detaut, kega, Peirdi ma umer kak kari narmili; niaiem ma ko kari narmili.

Ioane 14:28

Uaba emetu asoli kaka uabi detager, kega, Kai nabakeamulu, kaka iako tabakeam uabim. Ese uaba kari lag, uaba ko sererge kara mer, kega, Kaka Abem nabakeamulu: abelelam kara Aba aule kari tumge.

Ioane 16:4

Kaka uabi detagereda abele gaire lu, ueakai kerker tabarki, uaba ko dikiaporauem kaka emetu uabi detaut. Kaka nole uabi detager abele gaire lu gizlam, abelelam kaka uabi dog emri.

Ioane 17:24

Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.