Ioane 14:16 - Miriam Mer Gospels 1902

¹⁶ Kaka ko Babim bali, ueakai E ko uabi ikuar nerute Upiatidar, ko uaba kemem emri niai karem,

Ioane 14:16 ပူးပေါင်းရင်းမြစ်များ

Mataio 28:20

Uaba uiabi ereuerem, a asesered gaire lu uridili kaka uabi detager: dasmer, kaka ko uabi kemem gaire gerger uridili, bakedilu abele geseb ra mop. Amen.

Ioane 14:14

Ese uaba lu damos kara nei ge, kaka ko ikeli.

Ioane 14:18

Kaka nole uabi dikaer mokakalam ab kak a apu kak uerem giz; kaka ko uabim tabarki.

Ioane 14:26

Abele Upiatidar, Lamar Zogo, Baba de ko namarida kari nei ge, E ko uabi dereuered gaire lu uridili, a ko uabim dikiaporare gaire lu uridili kaka uabi detager.

Ioane 15:26

Ese Upiatidar tabarki, kaka ko uabim emarida Abalam, pe ageakar Lamar, uatabu Abalam, E ko karim ageakar.

Ioane 16:22

Peirdi, uaba nagri okasosok: kai iako uabi dasmer, ege uaba nerkep sererge, nole nerute le uabi sererge itker.

Ioane 17:15

Kaka nole mari namos ko uiabi egaret geseplam, epe mamoro mama uiabi nasesered adudelam.

Ioane 17:20

Kaka nole esorerapare uiabim tepteb, epe uiabim ko kari oituli uiaba merlam:

Ioane 4:14

Eko le aree abele ni kaka ikuar, E nole niap kak niai karem; abele ni kaka ko abi ikuar, mena abi kem ge ni tomeili eded aseamur kak.

Ioane 7:39

E detager abele Lamar Zogolam, uiaba gaire le abi oituli ko erpei abele. Lamar Zogo nole tabarki; abelelam Iesu nole eded akaida.