Ioane 13:23 - Miriam Mer Gospels 1902

²³ Nerute abara kaimeg giz, Iesu ra marmot ge uteidilu, Iesu abi nasge.

Ioane 13:23 ပူးပေါင်းရင်းမြစ်များ

Luka 16:22

Ege abele kerker ge, lu kak le eumilu, ege angela giz abi ais Aberahama ra marmot ge: ege luglug le eumilu, a etkobei.

Ioane 1:18

Nole le Ade asmer kak; epe abara Uerem tepteb taba Aba ra marmot, E etomeret.

Ioane 11:3

Neisi abara berbet abim namarida, a detager, kega, Kole, ma dasmer E mama abi nasge, E gimgim.

Ioane 11:36

Iudaia giz detaut, kega, Dasmer, E abim au omare!

Ioane 11:5

Iesu Maretha omare, a tabara keimer, a Lazaro.

Ioane 13:24

Simona Peteru abim opu batimeda, a abi detager, kega, Keribi detager na le E detaut.

Ioane 13:25

E dali, Iesu ra marmot uteidilu, egreemalu a abi detager, kega, Opole, nete?

Ioane 19:26

Iesu abara apu dasmer, pako abele kaimeg E nasge, maike tekueilu, E abara apu detager, kega, Kosker, dasmer mara uerem!

Ioane 20:2

E koreder emerilu, a Simona Peteruim tabarki, pako nerute memeg le Iesu nasge, a uiabi daratager, kega, Uiaba emetu Opole egaret aolam, keriba umer kak nade uiaba abi ikedi.

Ioane 21:20

Peteru egreamalu, a dasmer abele kaimeg Iesu nasge, E irmili ko; E dali Iesu ra marmot ge uteidilu ki ge eroare, a detager, kega, Opole, nete ko mari keserkeser?

Ioane 21:24

Abele kaimeg le E ageakarem abele gaire lu, a abele gaire lu detali: a meriba umele ageakar abara ageakar.

Ioane 21:7

Abele kaimeg Iesu nasge Peteru detager, kega, Opole pedali. Simona Peteru asoli, kega, Opole pedali, E tabara uali kot ame (abelelam E no gem), E gurim eupamalu.