Ioane 12:49 - Miriam Mer Gospels 1902

⁴⁹ Kaka nole karbabu detaut; epe Baba de kari namarida, E kari gelar nakuar abele lu kaka ko detager, a detaut.

Ioane 12:49 ပူးပေါင်းရင်းမြစ်များ

Ioane 14:10

Nako, ma nole dikiapor kak, kaka muige Abaim, pako Aba karim muige? Abele gaire lu kaka uabi detager, kaka nole karbabu detager; epe Baba kari muige, E ikeli abele gaire dorge.

Ioane 14:24

Abele le nole kari lag, E nole kara mer erpei: abele mer uaba asoli nole kara mer, epe Baba de kari namarida.

Ioane 14:31

Ueakai geseb umele kaka Babe lag, a kaka ikeli mokakalam Baba de kari mer tigri. Tekue, nabakeuare.

Ioane 15:15

Kaka nole iako uabi detager uaba memeg le giz; abelelam memeg le umer kak abele lu abara opole ikeli: kaka detaut uaba kara boai; abelelem gaire lu uridili kaka asoli kara Abalam, kaka uabi detomeret.

Ioane 17:8

Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.

Ioane 3:11

Ageakar, ageakar, kaka mari natager, kega, Keriba detagereda abele gaire lu keriba erdarda, a ageakarem abele gaire lu keriba dasmereda; epe uaba nole arpeir kak abele keriba ageakarem.

Ioane 3:32

Abele lu E emetu dasmer a asoli, E ageakarem peik; a nole le abara ageakarem erpei.

Ioane 5:19

Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.

Ioane 5:30

Kaka nole umer kak nerute lu ikeli karababu; kaka itmer mokakalam kaka asoli: kaka barkak itmer, abelelam kaka nole kara lag deraimer, mamoro Baba ra lag, kari namarida.

Ioane 6:68

Simona Peteru abi detaut, kega, Kole, nitim keriba bakeam? mari dog gaire eded mer aseamur kak.

Ioane 7:16

Iesu uiabim detaut, kega, Nole karielam kara ereuere, epe abielam, kari namarida.

Ioane 8:26

Kaka nagri dordor lu ko detager, a ko dikiapor uabim: E ageakar, kari namarida; kaka gesepem detager gaire lu kaka asoli abielam.

Ioane 8:28

Iesu uiabim detaut, kega, Ese uaba Le la Uerem armem tagis, uaba ko akmer kakanali, a kaka nole karbabu nerute lu ikeli, epe mokakalam Baba kari ereuerem, kaka detaut abele gaire lu.

Ioane 8:42

Iesu uiabim detaut, kega, Ese Ade uaba Aba, uaba ko kari lag: abelelam kaka nabue, a ge tabarki Adelam; kaka nole karbabu tabarki, epe E kari namarida.