Ioane 12:26 - Miriam Mer Gospels 1902

²⁶ Ese nerute le kara memeg le, abara dorge kari narmili; abele uteb kaka emri, kara memeg le la uteb dali: ese nerute le kari memeg le, Baba de abi despili.

Ioane 12:26 ပူးပေါင်းရင်းမြစ်များ

Mataio 16:24

Iesu uiabi detager abara kaimeg giz, Ese le lagelag kari narmili, nole abkoreb ko irmili tabara lag, debele E ko ais tabara satauro, a kari narmili.

Mataio 25:21

Abara opole abi detager, Au debele abele debe megmeg le ae, pako ageakar; ma ageakar abele uader kebi lu, kaka mari ikosi ko sirdam gaire au lu; ma tabakeam balu abele mara opole ra sererege.

MAREKO 8:34

E emetu le lakub, kemem abara kaimeg giz, darabgereda, E uiabi detagereda, kega, Nerute le laglag kari narmili, mamoro E tababu obogai, a abara satauro bakuar, a kari narmili.

Luka 12:37

Abele memeg le giz uiaba uerkab, uiaba opole E erdali uiaba ikeli abkoreb mokakalam, a mamoro derser: Ageakar, kaka uabi detager, E abara uali dimiri, a uiabi detager, Meriba ero, E bakeamu uiaba memeg le.

Luka 6:46

Nalugelam uaba etomeret karim, Opole, Opole, a uaba nolea ikeli mokakalam kara mer?

Luka 9:23

Ege E uiabim gaire le uridili detager, kega, Ese nerute le lagelag kari narmili, mamoro E tababu obogai, abara satauro bakuar gaire gerger, a kari narmili.

Ioane 10:27

Gaire kara mamoe asoli kara kodo mer, a kaka uiabi umele, a uiaba kari irmili:

Ioane 13:16

Ageakar, ageakar, kaka uabi detager, kega, Memeg le nole aule tumem abara opole; a nole abele le namarida tumem abele le abi namarida.

Ioane 14:15

Ese uaba kari lag, uaba ko kara gelar irmili.

Ioane 14:3

Ese ka nabakeamulu uteb derser uabim, kaka iako tarabue, uabi taisare karbabim: ueakai uaba kari kemem emri.

Ioane 15:20

Dikiaporare kara mer kaka uabi detager, kega, Memeg le nole aule tumem abara opole. Ese uiaba emetu kari natkoli, uiaba ko uabi dedkoeda; ese uiaba emetu kara mer erpei, uiaba ko uaba mer erpei.

Ioane 17:24

Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.

Ioane 21:22

Iesu abi detager, kega, Ese kaka lagelag E kari naokaili, nako abele marim? ma kari narmili.