Ioane 11:53 - Miriam Mer Gospels 1902

⁵³ Uiaba okaikes, a ditimeda abele gerger ge deraimer ko abi ipit eumida.

Ioane 11:53 ပူးပေါင်းရင်းမြစ်များ

Mataio 12:14

Faresaio giz baosi adige, uiaba mer atager abim ko abi ipit eumid.

Mataio 16:21

Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.

Mataio 22:46

Ege nole nerute le umele abim etkalu, a ditimedlu abele gerger nole nerute le ko saserim itimer abim nerute lu.

Mataio 26:4

A uiaba mer atager nalu lu umele mirem erpei, pako ipitare eumilu Iesu.

Mataio 26:59

Ege gaire zogo le giz pako aule giz pako gaire tarim le uridili uiaba deraimerare uader le bes ageakarem Iesuim, iaueakai uiaba abi ipitare eumilu:

MAREKO 14:1

Neis gerger iobaru, paseka akerare, a areto nole isi kak; zogozogo le giz, a aotale giz ko deraimeri abi terpei okardarem, a abi ipit eumida.

MAREKO 3:6

Faresaio giz teosmeda, a sobkak mer atagere, pako Herodiano giz, ko abi ipit eumida.

Ioane 11:47

Zogo kemle giz, pako Faresaio giz netate gedim ko mer atager, kega, Mi nako? abelelam gaire adigir abele le ikeli.

Ioane 12:10

Gaire tarim zogozogo le mer atager ko Lazaro ipit eumilu;

Ioane 7:1

Abele gaire lu iobaru, Iesu Galilaiaem ekas: E nole la kak Iudaiaem ekas, abelelam Iudaia le giz deraimerare abi ipitare.