Ioane 11:47 - Miriam Mer Gospels 1902

⁴⁷ Zogo kemle giz, pako Faresaio giz netate gedim ko mer atager, kega, Mi nako? abelelam gaire adigir abele le ikeli.

Ioane 11:47 ပူးပေါင်းရင်းမြစ်များ

Mataio 26:3

Abele kerker etami gaire zogozogo le giz, pako aotale giz, pako aule giz abgedlam abele zogo le ra meta ge, abara nei Kaiafa;

Mataio 5:22

Epe kakanale uabi detagered, Ese le tababu ueku abara boai, E nagri bodomalam abele meratager; ese le abi detager abara boai, Raka, E nagri bodomalam abele meratager; ege ese nerute le abi detager nerute le, Paim le ae, E nagri bodomalam abele ur Genaim.

MAREKO 14:1

Neis gerger iobaru, paseka akerare, a areto nole isi kak; zogozogo le giz, a aotale giz ko deraimeri abi terpei okardarem, a abi ipit eumida.

Luka 22:2

Zogozogo le, pako aotale giz uiaba deraimerare nalu tonar uiaba ko abi ipitare; abelelam uiaba au geum abele ged.

Ioane 11:57

Uiaba gaire tarim zogozogo le, pako gaire Faresaio gelar ekos, kega, Ese nerute le umele abele uteb E emri, abara dorge ko etomeret, ueakai uiaba abi terpei.

Ioane 12:19

Abelelam Faresaio giz mer atager, kega, Uaba dasmer, uaba umer kak nerute lu; dasmer, geseb ge uridili abi irmili.

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 6:2

Gaire le netate gedim abi irmili, abelelam uiaba dasmerare gaire atamelam E ekere, tumem gaire gim le.

Ioane 7:32

Gaire Faresaio asoli uiaba lekub abim basardare abele gaire lu; gaire zogo kemle a gaire Faresaio namarida gaire asesered le abi terpeirare.

Ioane 7:45

Gaire asesered le akomeda gaire zogo kemle pako Faresaio giz; uiaba uiabim detaut, kega, Nalugelam uaba nole abi tegaret?