Ioane 11:4 - Miriam Mer Gospels 1902

⁴ Iesu asoli, a detager, kega, Nole niai eud abele gim, epe ko Ade despereda, iaueakai Ade ra Uerem despereda.

Ioane 11:4 ပူးပေါင်းရင်းမြစ်များ

Ioane 10:38

Ese kaka ikeli, a uaba nole kari agaret kak, debele gaire dorge egaret: iaueakai uaba umele a egaret kega, Aba karim muige, a kaka muige kara Aba.

Ioane 11:40

Iesu abi detaut, kega, Nako, kaka nole mari natager, ese mama oituli, ma ko dasmer Ade ra adigir?

Ioane 12:28

Baba, mabara nei despili. Ege kodo mer uatabu kotorlam, kega, Kaka emetu despili, kaka iako despili.

Ioane 17:1

Iesu abele gaire mer detaut; a E kotor dimirualu, a detaut, kega, Baba, kerker tabarki; mara Uerem despili, ueakai Uermet mari naospili.

Ioane 17:10

A gaire kara lu uridili mara lu, a gaire mara lu kara lu; kaka aule uiabielam.

Ioane 17:5

Baba, peirdi, kari naospili mara kemem zorom ge meribielam emeret ge, nole geseb kak.

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 5:23

Eko gaire le uridili Uerem naospereda, mokakalam uiaba Aba naospereda. Abele le nole Uerem naospereda, E ko nole Aba naospereda, abi emariklu.

Ioane 8:54

Iesu detaut, kega, Ese kaka karababu baospili, nole ageakar karababu naospili: kara Aba kari naospili; E dali uaba detaut uaba Ade;

Ioane 9:24

Uiaba iako neisi dabgeri abele sadamer le, a abi detager, kega, Ade despili: keriba umele adud le dali.

Ioane 9:3

Iesu detaut, kega, E nole adud, a abara aba a apu nolea: epe Ade ra dorge abi tumge etomeret.