Ioane 10:38 - Miriam Mer Gospels 1902

³⁸ Ese kaka ikeli, a uaba nole kari agaret kak, debele gaire dorge egaret: iaueakai uaba umele a egaret kega, Aba karim muige, a kaka muige kara Aba.

Ioane 10:38 ပူးပေါင်းရင်းမြစ်များ

Ioane 10:25

Iesu uiabim detaut, kega, Kaka emetu uabi detagereda, uaba nole arpeir kak: abele gaire dorge kaka ikeli kara Aba ra nei ge, abele kari ageakarem.

Ioane 10:30

Kaka pako Aba, ki netat.

Ioane 11:4

Iesu asoli, a detager, kega, Nole niai eud abele gim, epe ko Ade despereda, iaueakai Ade ra Uerem despereda.

Ioane 14:20

Abele gerger uaba ko umele, kega, Kaka muige kara Aba, a uaba muige kari dog, a kaka muige uabi dog.

Ioane 17:11

Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 5:36

Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.