Ioane 10:36 - Miriam Mer Gospels 1902

³⁶ Nako, uaba detager abi abei abele Aba zogoem a gesepem namarida, kega, Ma baospili; abelelam kaka detager, kega, Kaka Ade ra Uerem?

Ioane 10:36 ပူးပေါင်းရင်းမြစ်များ

Mataio 27:43

E Adim oituli; debele peirdi E abi idigir, ese E abi omare: abelelam E detager, kaka Ade ra Uerem.

Mataio 27:54

Abele kerem le netate handed nosik le, pako uader le kemem Iesu abi asesered, uiaba erdarare abele sep demali, pako gaire lu ikerare, a uiaba au geum, kega, Ageakar Ade ra Uerem idali.

Luka 1:35

A ge angela etkalu abim, kega, Lamar Zogo natabu, a Ageakar Opole ra adigir mari tumge; abelelam mabara uerem zogo, tabara nei, Ada ra Uerem.

Ioane 10:35

Ese E emetu detager, kega, Uiaba gaire ade, uiabim gaire le Ade ra mer tabarki (a nole umer kak ko desak abele zogo mer detar),

Ioane 17:18

Mokakalam mama kari gesepem namarida, mokakalam kaka uiabi gesepem namarida.

Ioane 17:21

Ueakai ui uridili netat; mara kaiser Baba muige kara nerkep, a kaka muige mara nerkep ge, ueakai uiaba netat meribi koreb: ueakai geseb ko oituli ma kari namarida.

Ioane 17:8

Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.

Ioane 19:7

Gaire Iudaia le abi detaut, kega, Keriba gelar nagri, abkoreb abele gelar E ko eumida, abelelam tababu akailu Ade ra Uerem.

Ioane 20:28

Toma abi detaut, kega, Kara Opole, a kara Ade.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.

Ioane 3:17

Ade nole emarida abara Uerem gesepem ko gesep mer barditug; epe mamoro gesep eded abielam.

Ioane 3:34

E dali Ade de temarida mer atagerem gaire Ade ra mer: abelelam E nole Lamar Zogo ikuar au tale lu ge de.

Ioane 5:30

Kaka nole umer kak nerute lu ikeli karababu; kaka itmer mokakalam kaka asoli: kaka barkak itmer, abelelam kaka nole kara lag deraimer, mamoro Baba ra lag, kari namarida.

Ioane 6:27

Nole sagim kak buzbuz leuer, epe mamoro niai leuer, a tabarki eded aseamur kak, Le la Uerem ko uabi ikuar; abelelam Baba, pe Ade, abi detakobi.

Ioane 6:38

Abelelam kaka nole kotorlam tarabu ko ikeli kara lag, mamoro abara lag, E kari namarida.

Ioane 6:57

Mokakalam Baba eded kari namarida, a kaka ko eded Babalam: mokakalam abele le kari naroli, E ko eded karielam.

Ioane 6:69

Ki oituli, a opasereret, mama Keriso, Ade ra Uerem niai eded.

Ioane 8:42

Iesu uiabim detaut, kega, Ese Ade uaba Aba, uaba ko kari lag: abelelam kaka nabue, a ge tabarki Adelam; kaka nole karbabu tabarki, epe E kari namarida.