Ioane 10:29 - Miriam Mer Gospels 1902

²⁹ Kara Aba, aule tumem gaire lu uridili, E uiaba kari nakuar: a nole le umele uiaba natkedarare kara Aba ra taglam.

Ioane 10:29 ပူးပေါင်းရင်းမြစ်များ

Ioane 10:28

A Kaka ko uiabim ikuar eded aseamur kak; a uiaba nole eud kak niaiem niai karem, a nole le uiabi natkedarare kara taglam.

Ioane 10:30

Kaka pako Aba, ki netat.

Ioane 14:28

Uaba emetu asoli kaka uabi detager, kega, Kai nabakeamulu, kaka iako tabakeam uabim. Ese uaba kari lag, uaba ko sererge kara mer, kega, Kaka Abem nabakeamulu: abelelam kara Aba aule kari tumge.

Ioane 17:11

Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.

Ioane 17:2

Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.

Ioane 17:6

Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.

Ioane 17:9

Kaka uiabielam esorerapare: kaka nole esorerapare uiabielam gesepem, epe uiaba mama kari nakuar, abelelam uiaba mara le:

Ioane 6:37

Ui uridili Baba de kari nakuar ko karim tabakeuare; abele le karim tabakeam, kaka nole abi atua kak.