Ioane 10:16 - Miriam Mer Gospels 1902

¹⁶ Kaka nagri uader mamoe, nole abele kalam: kaka ko a uiaba tegaret, a uiaba ko kara kodo mer aserare; iaueakai netate uteb gaire mamoe, a netate asesered le.

Ioane 10:16 ပူးပေါင်းရင်းမြစ်များ

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

Luka 15:8

Nete kosker nagri ten mani, ese nerute mani badimirida, E lamepa disirik, meta ge poipi ame, elele deraimer E lagelag uaerdar?

Ioane 10:11

Kaka mamoe giz asesered le kar: abele le mamoro mamoe asesered, E abara eded ikuar uiabim mamoe giz.

Ioane 10:2

Abele le gab ge balu, E mamoe giz asesered.

Ioane 10:27

Gaire kara mamoe asoli kara kodo mer, a kaka uiabi umele, a uiaba kari irmili:

Ioane 10:3

Gab asesered le ko diski abim; ege gaire mamoe giz aserare abara kodo mer: E darabgerare gaire nei gaire abara mamoe, a uiaba adige tegaret.

Ioane 10:4

Ese emetu gaire abara mamoe adige tegaret, E ko kekiam bakeam, a gaire mamoe abi irmili: abelelam uiaba akmer abara kodo mer.

Ioane 10:5

Uiaba nole sub le irmili, epe abi derarti: abelelam uiaba akmer kak sub le giz ra kodo mer.

Ioane 11:52

A nole ab ged ra kes tepteb, epe ko netate gedim gaire Ade ra uerem bamarida, iako netate uteb.

Ioane 17:20

Kaka nole esorerapare uiabim tepteb, epe uiabim ko kari oituli uiaba merlam:

Ioane 6:37

Ui uridili Baba de kari nakuar ko karim tabakeuare; abele le karim tabakeam, kaka nole abi atua kak.