Ioane 10:15 - Miriam Mer Gospels 1902

¹⁵ Mokakalam Baba kari nasmeli, abkoreb kaka Baba nasmeli; kaka ko ikuar karbaba eded uiabim gaire mamoe.

Ioane 10:15 ပူးပေါင်းရင်းမြစ်များ

Mataio 11:27

Kara Aba kari nakuarare gaire lu uridili; nole le erdali abele Uerem, epe abele Aba; a nole le erdali abele Aba, epe Uerem tepteb, pako nerute le Uerem lagelag abi etomeret.

Mataio 20:28

Mokakalam Le la Uerem nole tabarki memeg le taraisare, a E uiaba memeg le, a ko ikuar abara eded bodomalam gaire le giz.

Luka 10:21

Peike abele haua ge, Iesu ra lag au sererege, Lamar Zogolam, kega, Kaka mari esoao, kara Aba, kotor Opole pako geseb ge, abelelam ma ispilu abele lu uader umele pako pardar, a natomertare abele lu kebi uerem ge: uao, kara Aba, abele mara lag peike.

Luka 10:22

Ege kara Aba gaire lu E kari naisuer: nole le ardar kak abele Uerem, epe abara Aba; nole le erdali abele Aba epe abara Uerem, pako nerute le abara Uerem E lagelage abi etomeret.

Ioane 1:18

Nole le Ade asmer kak; epe abara Uerem tepteb taba Aba ra marmot, E etomeret.

Ioane 10:11

Kaka mamoe giz asesered le kar: abele le mamoro mamoe asesered, E abara eded ikuar uiabim mamoe giz.

Ioane 15:13

Ese nerute le abara eded ikuar taba boai bodomalam, nole nerute le la omare aule tumem ike.

Ioane 17:25

Geseb ge nole mari opasereret kak, Aba barkak: epe kaka mari opasereret, a uiaba umele mama kari namarida.

Ioane 6:46

Nole nerute le Baba dasmer, mamoro E Adelam, E Baba dasmer.

Ioane 8:55

Uaba nole abi umer kak: kaka abim umele; ese kaka detaut, kega, Kaka nole abi umer kak, kaka iako besbes mokakalam uaba; epe kaka abim umele, a abara mer asoli.