Ioane 1:51 - Miriam Mer Gospels 1902

⁵¹ Iesu abi detager, kega, Ageakar, ageakar kaka uabi detagereda, kega, Uarem uaba ko dasmerare kotor uanakesmur, a gaire Ade ra angela uatabatuer iako uabog tumem Le la Uerem.

Ioane 1:51 ပူးပေါင်းရင်းမြစ်များ

Mataio 25:31

Ese Le la Uerem tabarki tabara zorom, pako zogo angela giz uridili kemem abi dog, epe E egimuru tabara bao zorom ge:

Mataio 26:24

Le la Uerem bakeamulu, mokakalam detarer abim; epe abele le Le la Uerem abi mirem uaiai abele le! debele abele le nole aosmer kak.

Mataio 3:16

Ege E Iesuim bapataiso E tegemelu nilam dasmer, ege kotor nakesmulu, E erdalu Ade ra Lamar tabu mokakalam dibadib ise emerder abi kerem ge;

Mataio 4:11

Ege diabolo abi dikaer, dasmer, epe angela tabarki abi memeg le giz abim.

Mataio 8:20

Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.

Mataio 9:6

Ueakai uaba opasereret Le la Uerem nagri sirdam abele geseb ge E idigir uit giz, (E abim detager le ibibi), Ma ge tekuei, a ais mabara sik, a bakeam mabara meta.

MAREKO 1:10

E nilam ekueilu, E egremalu kotor nakesmulu, a Lamar Zogo epereda abi tumge, mokakalam dibadib:

MAREKO 14:62

Iesu detaut, kega, Kakanali; uaba ko dasmer Le la Uerem adigir tuter tag emeri, a ko tabakeam gaire kotor baz giz ge.

Luka 2:13

Ege dumdumge angela de okakis gaire urker ge kotor ge, epe uiaba desperare Iehoua, kega,

Luka 2:9

Dasmer, Iehoua ra angela ege ekue ireder, au zoromzorom deraueirer Iehoua ra zorom: uiaba geum barkei.

Luka 22:43

Angela kotor ge abi etomelu, E ikuar saserim.

Luka 22:69

E ditimeda peirdi, Ade ra Uerem emeri tuter peik, Ade ra au adigri.

Luka 24:4

Ege uiaba operem abele lu: dasmer, neis le ekuei uiaba opem, am zoromzorom uali:

Luka 3:21

Ege E bapataiso abele ged uridili, a ko Iesuim bapataiso, E esorerapare, ege abele kotor nakesmulu,

Ioane 1:50

Iesu etkalu, a abi detager, kega Ma oituli abelelam kaka mari natageri, kega, Kaka mari nasmili suke mudge? mena ma keubu dasmer gaire au lu tumem abele.

Ioane 10:1

Ageakar, ageakar, kaka uabi detager, kega, Abele le nole balu mamoe giz gab te ge, a ogi nerute gab ge, E eruam le, a lu gatkamer le.

Ioane 10:7

Iesu iako uiabim detaut, kega, Ageakar, ageakar, kaka uabi detager, kega, Kaka mamoe giz ra te.

Ioane 13:16

Ageakar, ageakar, kaka uabi detager, kega, Memeg le nole aule tumem abara opole; a nole abele le namarida tumem abele le abi namarida.

Ioane 13:38

Iesu abi detaut, kega, Eko, ma ko ikuar mara eded kara kes? Ageakar, ageakar, kaka mari natagere, kega, kimiar faul nole ereretikri, ma ko kekiam thri kari nasared.

Ioane 14:12

Ageakar, ageakar, kaka uabi detager, kega, Abele le karim oituli, gaire dorge kaka ikeli, E ko ikeli: epe E ko au ikeli tumem abele, abelelam kaka nabakeamulu karba Abem.

Ioane 16:20

Ageakar, ageakar, kaka uabi detagereda, kega, Ua ko ebazoli, a okabatagereda, a geseb ko sererge: uaba ko okasosok, abele uaba okasosok ko depegili ko sererge.

Ioane 16:23

Abele gerger dali uaba nole nerute lu damos karielam. Ageakar, ageakar, kaka uabi detager, kega, Abele gaire lu uaba damos Babalam muige kara nei ge, E ko uabi dekuarare.

Ioane 21:18

Ageakar, ageakar, kaka mari natager, kega, Ma makeriam emeret mabu eso, ma bakeam mabara lag: ma aule mabara tag nagisi, a nerute ko mari uanaso, a mari uanagared abele ma nole la kak.

Ioane 3:3

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Ioane 3:5

Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.

Ioane 5:19

Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.

Ioane 5:27

Emetu abi ikuar adigir ko itmer, abelelam E Le la Uerem.

Ioane 6:26

Iesu uiabi detaut, kega, Ageakar, ageakar, kaka uabi detagereda, Uaba nole kari naraimeli abelelam uaba dasmer gaire atamelam, mamaro uaba areto eroarem, a kem osmeda.

Ioane 6:32

Iesu uiabi detaut, kega, Ageakar, ageakar, kaka uabi detager, Mose nole areto uabi ikuar kotorlam; epe mamoro kara Aba uabi dekuarda areto kar kotorlam.

Ioane 6:47

Ageakar, ageakar, kaka uabi detagereda, kega, Abele le karim oituli, E nagri eded aseamur kak.

Ioane 6:53

Iesu uiabi detaut, kega, Ageakar, ageakar, kaka uabi detagereda, ese uaba nole eroli Le la Uerem ra gem, pako abara mam ere, uaba nole eded kak muige uaba nerkep ge.

Ioane 8:34

Iesu uiabim detaut, kega, Ageakar, ageakar, kaka uabi detager, kega, Abele le uit ikeli, E uite ra memeg le.

Ioane 8:51

Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.

Ioane 8:58

Iesu uiabim detaut, kega, Ageakar, ageakar, kaka uabi detager, Kakanali, Aberahama aosmer kak.