Ioane 1:38 - Miriam Mer Gospels 1902

³⁸ Iesu egreemalu, a darasmer ui darali abi irmili, a ui darali detagerei, kega, Nalu ua deraimerei? Ui natkalei abim, kega, Rabi (tonar, Ereuer le), ma nade emri?

Ioane 1:38 ပူးပေါင်းရင်းမြစ်များ

Luka 10:39

Tabara berbet, nei atker Maria, ege emereder maike Iesui teter ge, E lagelage uaeasor Iesu ra mer.

Luka 14:25

Ege E okakis gaire lekub ge bakeamulu: ege egreemalu, a uiabi daratagerare,

Luka 15:20

E ekueilu bakeamulu tabara aba. Ege abi abet muriz ge erdali, epe E au nasenas, E au koreder, a abi erpei, a eskos.

Luka 19:5

Ege Iesu tabakeamulu abele uteb ge, a egreemalu, a abi erdar, E abi detager, kega, Sakaio, ma tarabu; abkoreb kaka emeri mara meta abele gerger.

Luka 22:61

Ege Opole egreemalu, E abi dasmer Peteru. Epe Peteru de ga dikiapor Iesu ra mer ge, abi detager, kega, Kimiar faul nole ereretikri, ma neis netat kari nasared.

Luka 8:38

Le demoni dedkoli teosmeda, E abi damos abi dog emeri: epe E nolea la kak, a abi emariklu, kega,

Ioane 1:37

Abele neis kaimeg abara mer aserei, ui darali Iesu irmilei.

Ioane 1:39

E ui darali detagerei, kega, Ua tabarkam, a dasmeram. Ui darali bakeamulei a dasmerei abara uteb, a abi kemem emrilei abele gerger ge: abelelam maike kige.

Ioane 1:49

Nathaniela abim etkalu, kega, Rabi, ma Ade ra Uerem, a Isaraela ra Opole.

Ioane 12:21

Ui Filipoim tabakeuare, Bethesaida Galilaia le, a abi eutumer, kega, Kole, ki lagelag Iesu dasmer.

Ioane 18:4

Iesu umele gaire lu ko abim tabarki, E maiem bakeamulu, a uiabim detager, kega, Netede uaba deraimerare?

Ioane 18:7

E iako uiabim eutumer, kega, Netede uaba deraimerare? Uiaba detaut, kega, Iesu Nazaret le.

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 3:26

Uiaba Ioaneim tabakeuare, a abi detagereda, kega, Rabi, abele le mari dog, Ioridano apek, mama emetu abi ageakarem, dasmer, E ko bapataiso, a gaire le uridili abim tabakeuare.

Ioane 4:31

Inoka dali, kaimeg giz abi ekailu, a detager, kega, Rabi, ero.

Ioane 6:25

Uiaba abi erdali kei apek abele keper, uiaba abi detaut, kega, Rabi, ma ge tabarki na gerger ge?