Ioane 1:34 - Miriam Mer Gospels 1902

³⁴ Kaka dasmer, a kaka ageakarem, kega, Ade ra Uerem pedali.

Ioane 1:34 ပူးပေါင်းရင်းမြစ်များ

Mataio 11:27

Kara Aba kari nakuarare gaire lu uridili; nole le erdali abele Uerem, epe abele Aba; a nole le erdali abele Aba, epe Uerem tepteb, pako nerute le Uerem lagelag abi etomeret.

Mataio 16:16

Ege Simona Peteru abi detaut, kega, Mama Keriso, Ade ra Uerem eded.

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

Mataio 26:63

Epe Iesu nole mer kak. Ege zogo le abim detager, kega, Kaka mari detager, Ma iskosi keribim edede Ad ra nei, nako mama Keriso Ade ra Uerem?

Mataio 27:40

Kega, Mama le zogo meta ezageri, a neis netat gerger ko ikeli, ma mabu eded. Ese mama Ad ra Uerem, ma mabu tarabu abele sataurolam.

Mataio 27:43

E Adim oituli; debele peirdi E abi idigir, ese E abi omare: abelelam E detager, kaka Ade ra Uerem.

Mataio 27:54

Abele kerem le netate handed nosik le, pako uader le kemem Iesu abi asesered, uiaba erdarare abele sep demali, pako gaire lu ikerare, a uiaba au geum, kega, Ageakar Ade ra Uerem idali.

Mataio 3:17

Dasmer, abele kodo mer kotorlam, kega, Kara Uerem nase ge idali, kaka au sererege abim.

Mataio 4:3

E toabukilu abele le mirem, kega, Ese mama Ade ra Uerem, ma detager gaire baker a depegire leuer ise.

Mataio 4:6

E abi detager abim, Ese mama Ade ra Uerem, ma eupemar a ekueilu sepge, abelelam emetu detarare, E abi mer tigri abara angela giz uiaba mari egared uiaba taglam, nole mara teter itur nerute baker ge.

Mataio 8:29

Darasmer, neis le ereretikri, kega, Nalu mara mer keribim, Iesu ae, Ade ra Uerem? Nako ma tabakeam ike keribim ikeli asiasi a nole bakedida abele niai kerker?

MAREKO 1:1

Abele ditimedilu Iesu Keriso ra debe merkem, Ade ra Uerem.

MAREKO 1:11

Iako kodo mer uataba kotorlam, kega, Mama kara Uerem nasge, kaka mari sererege.

Luka 1:35

A ge angela etkalu abim, kega, Lamar Zogo natabu, a Ageakar Opole ra adigir mari tumge; abelelam mabara uerem zogo, tabara nei, Ada ra Uerem.

Luka 3:22

Epe abele Lamar Zogo uatabu abi tumge, abara roai mokakalam dibadib ise, ege abele kodo mer kotorlam, kega, Mama kara Uerem idali; kaka mari sererege.

Ioane 1:18

Nole le Ade asmer kak; epe abara Uerem tepteb taba Aba ra marmot, E etomeret.

Ioane 1:49

Nathaniela abim etkalu, kega, Rabi, ma Ade ra Uerem, a Isaraela ra Opole.

Ioane 10:30

Kaka pako Aba, ki netat.

Ioane 10:36

Nako, uaba detager abi abei abele Aba zogoem a gesepem namarida, kega, Ma baospili; abelelam kaka detager, kega, Kaka Ade ra Uerem?

Ioane 11:27

E abi detaut, kega, Eko, Opole: kaka dikiapor mama Keriso, Ade ra Uerem, gesepem tarabu.

Ioane 19:7

Gaire Iudaia le abi detaut, kega, Keriba gelar nagri, abkoreb abele gelar E ko eumida, abelelam tababu akailu Ade ra Uerem.

Ioane 20:28

Toma abi detaut, kega, Kara Opole, a kara Ade.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.

Ioane 6:69

Ki oituli, a opasereret, mama Keriso, Ade ra Uerem niai eded.