Ioane 1:19 - Miriam Mer Gospels 1902

¹⁹ Ge Ioane de ageakarem peik, uiabi Iudaia giz gaire zogo le a gaire Leui namarida Ierusalemlam, ko abi itmerare, kega, Ma nete?

Ioane 1:19 ပူးပေါင်းရင်းမြစ်များ

Ioane 1:7

E dali tabaruk ageakarem, abele lugem ko datki ageakarem, epe gaire le uridili odaratare abielam.

Ioane 10:24

Iudaia giz netate gedim abi derumeda, a abi detager, kega, Ma keribi bamsili naket gerger? Ese mama Keriso, paret kak keribim detaut.

Ioane 10:31

Iudaia giz baker tais ko abi itimdare.

Ioane 11:19

Dordor Iudaia le tabakeuare Marethaem a Mariaem, ui ko baimilei ui berbetlam.

Ioane 2:18

Gaire Iudaia le natkartare, a abi detagerare, kega, Nalu atamelam ma keribi detomertare mama ikeli abele gaire lu?

Ioane 2:20

Gaire Iudaia le detagereda, kega, Fote sikis gaire urut abele meta ikeli, nako ma ko ikeli thri gerger ge?

Ioane 5:10

Abele gerger sabath ge. Abelelam Iudaia le giz nadgirda le detager, kega, Sabath peik, nole abkoreb marim ko ekau mabara sik.

Ioane 5:15

Abele le bakeam, a gaire Iudaia le giz detager, kega, Iesu de abi idigiri.

Ioane 5:16

Abelelam Iudaia le giz Iesu deskemrare, a deraimerare ko abi ipitare eumilu, abelelam E ikeli abele gaire lu sabath ge.

Ioane 5:18

Abelelam Iudaia le giz au saserim ko abi ipitare eumilu, abelelam E nole sabath datupida tepteb, epe E iako detauti, kega, Ade abara Ab kar, pako E dali a Ade abkoreb.

Ioane 6:41

Iudaia le giz abi gumik mer atagere, abelelam E detaut, kega, Kaka areto kotorlam tarabu.

Ioane 6:52

Iudaia le giz basaredelare, kega, Epe nalu le dali ko ikuar abara gem aroem?

Ioane 7:1

Abele gaire lu iobaru, Iesu Galilaiaem ekas: E nole la kak Iudaiaem ekas, abelelam Iudaia le giz deraimerare abi ipitare.

Ioane 7:11

Iudaia le giz, uetpur ge, abi deraimerare, a detautare, kega, E nade?

Ioane 7:15

Iudaia le giz damreda, a detaut, kega, Nalu le abele jauali umele, a nole ereuer kak?

Ioane 8:22

Iudaia le giz mer atager, kega, Nako, tababu ko abi ipit, abelelam E detager, kega, Uaba umer kak ko bakeam abele utebem kaka bakeam?

Ioane 8:48

Iudaia giz abi detaut, kega, Nako, keriba nole barkak detaut ma Samaria le, a demoni mari dog?

Ioane 8:52

Iudaia giz abi detautare, Peirdi keriba umele mari dog demoni. Aberahama emetu eumida, pako gaire perofeta; a mama detager, kega, Ese nerute le kara mer asoli, E eud asmer kak niai karem.

Ioane 8:57

Iudaia giz abi detautare, kega, Mara urut nole fifeti, epe nako mama Aberahama dasmer?