Ioane 1:14 - Miriam Mer Gospels 1902

¹⁴ Logo depeger le gem ise, a E meribi dog emrilu, (a keriba abara zorom dasmerare, zorom mokakalam Aba ra Uerem netat,) mitkar omare, a ageakar.

Ioane 1:14 ပူးပေါင်းရင်းမြစ်များ

Mataio 1:16

Iakobo esomelu Iosefa Maria ra kimiar, Maria esomelu Iesu, abara nei atker Keriso.

Luka 2:11

Abelelam ge abele gerger ge eosmelu, Dauida uteb ge, Iesu Keriso, uaba Azigmoareta.

Luka 2:7

Ege abara kimiar uerem esmelu; E sursur derap, egaredlu kau meta ge irdilu, abelelam uiaba meta mitkar nolea abkoreb emeri okakis.

Luka 9:32

Ege Peteru au uteidi pako uader abi kemem: ege uiaba ekiam, a uiaba erdalare abara au zoromzorom, pako neisi le uiaba ekue okakis.

Ioane 1:1

Abele Logo degraret, Ade dog abele Logo, a Ade Logo,

Ioane 11:40

Iesu abi detaut, kega, Nako, kaka nole mari natager, ese mama oituli, ma ko dasmer Ade ra adigir?

Ioane 14:6

Iesu abi detaut, kega, Kaka gab, a ageakar, a eded; nole le Abem bakeam, ese nole gab kari dog.

Ioane 14:9

Iesu abi detaut, kega, Nako, kaka emeret uabi dog, mama Filipo nole kari nasmeli? abele le kari nasmer, E kara Aba nasmeli; nako mama detaut, kega, Abet keribi detomereta?

Ioane 17:22

Abele zoromzorom ma kari nakuar, kaka emetu uiabi nakuarare, ueakai uiaba netat, meribi koreb netat:

Ioane 17:24

Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.

Ioane 18:37

Pilato abi detager, kega, Nako, ma opole? Iesu detaut, kega, Ma detager kaka opole. Abelelam kaka naosmeda, abelelam kaka gesepem tarabu, ueakai kaka ko ageakar ageakarem. Gaire le uridili ageakalam kara kodo mer asoli.

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 3:16

Abele absaimarsaimar Ade ra omare gesepem, gako E ikuar abara Uerem netate, epe nole eud kak, abele le abi oituli, mamoro E nagri eded aseamur kak.

Ioane 3:18

Abele le abi oituli nole mer barditug abim: abele le nole oatur kak emetu mer barditug abim, abelelam E nole oatur kak abele nei Ade ra Uerem netate.

Ioane 6:51

Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.

Ioane 8:32

Uaba ko ageakar akmer, abele ageakar ko uabi emariklu.