Romans 2:17 - Bogtag we ye Tefoy

¹⁷ Iwe ngo hami? Ha sor bo hami Jews; Ha yetedah dipmi wol Hatobtob le ngo ha habos irel mala hami lol Deus.

Romans 2:17 ပူးပေါင်းရင်းမြစ်များ

Matthew 3:9

Ha towe luluwaley le be yoh le habe kewag tang hagerger la igle habe sor bo Abraham ila chapdohmi. Iy be kangalugmi le Deus ila be yoh le yebe hasi feas ka sa foru bo yarmetal daola yael Abraham!

Luke 10:28

Jesus sa sor bo, “Tusurem. Hobe foru mala ngo hobe molow.”

John 5:39

Hama yawli Babior we ye Santus bo hami ha luluwaley le ila lobosla ha bela wiri kofal molow la tor siyal mo iyang. Ngo iy Babior we ye Santus ila ye kapta kofay!

John 5:45

Ha towe luluwaley le ngang mele ibe yichingewahmi ngal mala Temay. Moses we ha yetedah dipmi uwol mele yebe yichingewahmi.

John 7:19

Moses mele ye fang ngalugmi Hatobtob we, hare te iy? Ngo tor semal hami le ye dabey iy Hatobtob we. Meda mele ha luluwaley le habe limeseyeyloh iyang?”

John 8:33

Iwe ngo ir resa sor bo, “Hamem chol daowe yael Abraham. Ila ngo meda mele le hola sor bo habe tal iyang le ted yor mwo fael sew le ha mel bo yael semal slave?”

John 8:41

Hami hama foru mekla molwe tami yema foru.” Resa hatefaeli ngo resa sor bo, “Deus chog mele tamem ngo hamem ila spegil lol.”

Romans 2:23

Hasa habos irel mala yesa yoh ngalugmi hatobtob la yael Deus. Iwe, ha ted hamaali Deus irel mala hama hatwasiloh chog hatobtob la yal?

Romans 3:27

Ila ngo meda mele sibe habos iyang? Tayicchalmo! Ila ngo meda fael mele iye sengal? Hare mil mala si talenga hatobtob le? Yeb, te ila sangal, bo far mil mala ye tugul lal depach.

Romans 9:32

Meda fal? Fael mala rete yetedah deper wol tugulul ladep, bo re yetedah chog deper wol mekla resa foru le ye fel. Ila fal le re cheprag irel “feas we hacchepragel yarmat,”

2 Corinthians 11:22

Ir sibis Hebrews? Wol ila sengay. Ir sibis re Israel? Wol ila sengay. Ir chol daowe yael Abraham? Wol ila sengay.

Galatians 2:15

Ye katos le si subdoh le gich Jews ngo te gich “Gentiles ka re toa hamolfid,” le ila mala rema fesangu ngalir.

Ephesians 2:11

Hami rechokla hala subdoh ngo hami Gentiles le Jews rema ffesangu ngalugmi bo “rechokwe rete hagil” ngo ir ila re hagil (mele ila kofael mekla yarmat rema foru ngal holongor) — habe luluwaley chog mokwe wululumi muswe.

Revelation 2:9

Ngang igula lepal yami hafohoy mo weres; ngang igula le ha hafohoy irel hammalmi — iwe ngo mala halngol igegal ila hasa mmal mo irel yami tugulul ladep! Igula hapatpat tayikof kala rechokla te ir yarmetael Jews ngo re sor bo ir. Ir ila sew pulgul yarmat le wocholuwal Satan!

Revelation 3:1

“Teftaf babior ngal angelusel eklesia la ye mel woal Sardis le hobe sor bo: “Hapatpat le ila ye budoh mo irel yeramtawe ye mel fismol espritu kowe lol Deus mo fisfos fis irel. Igula mekla ha foforu: Iy gula bo hami ila ha yitli chog bo ha molow, ila mwo hasa faesul mes!

Revelation 3:9

Ha taelenga! Rechokwe Satan sa lamlir ngo ye machoh yewer le re sor bo ir yarmetael Jews iwe ngo te ir, ila ibele foru bo rebe budoh rebe cchimdiy imol mekla pechemi. Bo panger ngo rebe gola bo ngang iy hachangugmi.