Romans 1:7 - Bogtag we ye Tefoy

⁷ Ila fael yai teftaf babior ngalugmi pangmi ikla ha mel wol Roma, le Deus ye hachangugmi, ngo ye ffesangugmi bo hami spegil lol: Deus le Temach mo Jesus Kristus le samol rebe fang ngalugmi haradiya mo hopos.

Romans 1:7 ပူးပေါင်းရင်းမြစ်များ

Matthew 5:16

Be wol ila sengal teram la yami. Ye tugul le be wol werloh imor panger yarmat bo rebe wiri mekla ye momay le ha foforu, ngo re bele hapingpinga mala Tammi le ye mel woal laeng.

John 20:17

Jesus yesa kangalu bo, “Ho towe yangsiyey bo ited loh irel mala Temay. Ho loh irer mokwe wol bisiy ngo hosa kangalur bo ibele tefael loh irel mala Temay le wol Temer, le yai Deus ngo wol yar Deus.”

Acts 15:23

iwe ngo resa ngaler sew babior bo rebe hasi. Babior we ye sor bo, “Hamem apostel ka mo mal ka le hamem wol bismi, hasa fang yamem habong ngalugmi pangmi Gentiles kala ha mel wol Antioch, mo Syria, mo Cilicia.

Acts 9:13

Ananias sa sor bo, “Samol, ye cholop yarmat le resa kangaluyey kofal yeramtala, iwe mo kofael mokwe ye hartael tayikof we yesa faor ngalir chotugul kowe lom mo woal Jerusalem.

Romans 1:6

Hami mwo rechoka ha mel wol Roma ngo choluwar, hami rechoka Deus yesa ffesangugmi bo habe mel bo yusuwel Jesus Kristus.

Romans 5:1

Igla le siya fel mo irel Deus irel tugulul ladep, ila siya pos mo irel Deus irel Samol we yach Jesus Kristus.

Romans 5:5

Kkelel luglugul ladep le ila ye tema hatayikofa depach, bo Deus yesa yetolong lal depach hachangcheng la yal irel Espritu Santus le yal kkefang ngalgich.

Romans 8:28

Si gula le irel pangal formel ngo Deus ye foforu chog mekla ye momay ngalir rechoka re hachangi. Ikla rechokla yesa ffesangur bo rebe foru mekla iy ye luluwaley.

Romans 8:39

towe wol yoh ngali ila wol laeng hare ila yulol. Tor sew formel mo irel meka foriyel Deus le yebe yoh ngali le yebe hamhelagich tang hachangcheng la yael Deus le yesa yoh ngalgich irel Kristus Jesus le yach Samol.

Romans 9:25

Iye sengal molwe ye sor mo lal babior we yael Hosea, “Rechoka te yusuwey ila ibele ffesangur bo, ‘Layi yarmat’. Fuluwe ite hachangi ila ibele ffesangu bo, ‘Yai hachangcheng’.

1 Corinthians 1:24

iwe ngo rechokla Deus yesa ffesangur, le Jews fengal mo Gentiles, ila hapatpat le mele Kristus, le iy mele repiyal mo kelel Deus.

1 Corinthians 16:23

Haradiya la yael Samol Jesus be mel iremi.

2 Corinthians 13:14

Haradiya la yael Samol Jesus Kristus mo hachangcheng la yael Deus mo Espritu Santus be mel iremi pangamiloh.

Galatians 6:18

Hami rewol bisiy, Haradiya la yael Samol le yach Jesus Kristus be mel iremi pangamiloh. Amen.

Ephesians 1:2

Deus le Temach mo Samol Jesus Kristus rebe fang ngalugmi haradiya mo hopos.

Ephesians 6:23

Imemapel bo Deus le Temach mo Samol Jesus Kristus rebe fang ngalir panger mekla bisich hopos mo hachangcheng mo tugulul ladep.

Philippians 1:2

Deus le Temach mo Samol Jesus Kristus rebe fang ngalugmi haradia mo hopos.

Philippians 4:13

Te tugul mele ye weldoh ngo yebe mmal ngaliyey irel mala kkeley le Kristus sa fang ngaliyey.

Philippians 4:20

Sibe hapingpinga Deus le Temach le tor siyal! Amen.

Philippians 4:23

Haradiya la yael Samol Jesus Kristus be mel iremi pangmiloh.

Colossians 1:2

Ngalir mekla lol Deus woal Colossae, le rechokla resa mel bo bisich le yesa tugul deper irel Deus irel yar sew chog mo Kristus: Deus le Temach yebe fang haradiya mo hopos ngalugmi.

Colossians 3:12

Hami lol Deus; ye hachangugmi, ngo ye duwlehmi bo lol. Ila habe kawraloh yami ffahol ladep mo momayel hagiyeg, mo malulu mo momayel wegdeg, iwe mo yami hatetalo yami luluwal.

Colossians 3:15

Hopos la Kristus yema fang ila yebe tupungugmi bo habe gola mele habe foru, iye hopos we Deus ye ffesangugmiloh iyang bo ha bela mel le hasa sew chog holong. Ila habe kangalu Deus yal hachigchig.

1 Thessalonians 1:1

Babior le ila ye budoh mo irel Paulus mo Silas mo Timothy — Ngalir yarmetael eklesia la woal Thessalonica, le ir lol Deus le Temal mo Samol Jesus Kristus: Imemapel bo Deus yebe fang ngalugmi haradiya mo hopos.

1 Thessalonians 1:3

Bo hamem hate maligili mo fael metael Deus la Temach wululul yami tapeli yami tugul, mo kkelel yami yengang le fael hachangcheng la yami, mo kkelel luglug la yami ngal Samol la yach Jesus Kristus.

1 Thessalonians 1:4

Hami re wol bismem, hamem ha gola le Deus ye hachengugmi ngo yesa duwlehmi bo habe mel bo lol.

1 Thessalonians 4:7

Deus yete ffesanggich bo sibe mel luwul molfid, bo ye ffesanggich le sibe mel le si santus.

1 Thessalonians 5:28

Haradiya la yael Samol la yach Jesus Kristus be mel iremi.

2 Thessalonians 1:2

Deus le Temach mo Samol Jesus Kristus rebe fang ngalugmi haradiya mo hopos.

2 Thessalonians 3:16

Samol le iy mele chapil hopos yebe fang ngalugmi hopos pangal yad. Samol yebe mel iremi pangmiloh.

2 Thessalonians 3:18

Haradiya la yael Samol Jesus Kristus yebe mel iremi pangmiloh.

1 Timothy 1:2

Ngali Timothy, le yesa mel le spegil layi luwul tuwgul le yar Kristiano. Deus le Temach mo Kristus Jesus le yach Samol yebe holbuwah ngo ye hamomayi yal hagiyeg ngalug ngo ye fang ngalug hopos.

1 Timothy 6:2

Boy kala ye Kristiano yar masta ila re towe tolpagilir bo ir resa mel le bisir. Ila rebe yengang ngalir le yebe momay tang rallakowe, bo fael mala rechokla yor mmaler mo irel yengang kala yar, ila rechokla resa chepar ngo ir boy kowe re hachangir. Habe haskuna ngo ha foloyu meka.

2 Timothy 1:2

Ngalug ho Timothy, layi le ihachangug: Deus le Temach mo Kristus Jesus le yach Samol yebe fang ngalug haradiya mo ffahol ladep ngo ye fang ngalug hopos.

2 Timothy 4:22

Samol be mel lal yam luluwal. Haradiya la yael Deus yebe mel iremi pangmiloh.

Titus 1:4

Itefa babior le ngal Titus le katosol layi luwul tugulul ladep le hamem harorumal ngo ha mel iyang. Deus le Temal mo Kristus Jesus le yach Demer rebe fang ngalug haradiya mo hopos.

Philemon 1:25

Haradiya la yael Samol Jesus Kristus yebe mel iremi pangmiloh.

Philemon 1:3

Deus le Temach mo Samol Jesus Kristus yebe fang ngalugmi haradiya mo hopos.

James 1:1

Babior le ila ye budoh mo irel James le iy semal boy le lol Deus mo Samol Jesus Kristus: Yai habong ngalir panger mekla lol Deus le re medardar fedal lal ballel faileng le.

1 Peter 1:15

Habe mel le habe santus irel pangal meka hama foru le be igegel chog yal santus Deus we iy mele ye fesangugmi.

1 John 3:1

Ha wiri lepal yael mala Temach hachang gich! Ye kel hachangcheng la yal ngalgich le sala yoh le re ffesang gich bo gich lol Deus — ngo tos le gich lol. Ila fal la re faileng re togla gich ngo re togla Deus.

2 John 1:3

Deus le Tamal mo Jesus Kristus le iy Lol, rebe fang ngalgich haradiya mo fahoyel ladep mo hopos; be mel bo yach luwul katos mo hachangcheng.

Revelation 2:1

Iwe ngo yesa kangaluyey bo, “Tefa babior le ngal angelusel eklesia la ye mel woal Ephesus le hobe sor bo: “Hapatpat le ila ye budoh mo irel yeramtawe ye holu fis we fisfos lal paol rewe gilemra, iwe ngo yema daer llepadpedal liliyel habulbul kowe fusuw we hoal.

Revelation 2:12

“Teftaf babior ngal angelusel eklesia la ye mel wol Pergamum le hobe sor bo: “Hapatpat le ila ye budoh mo irel yeramtawe ye hasi saiden we ye kang ngo rorure ngo metal.

Revelation 2:18

“Teftaf babior ngal angelusel eklesia la ye mel woal Thyatira le hobe sor bo: “Hapatpat le ila ye budoh mo irel molwe Lol Deus, le yeramtawe ye wochog bbulul yaef lal mekla metal, ngo mekla pachpechael pechel ila ye yyongong le ye wochog sinchu kowe resa fayya hamayi.

Revelation 2:29

“Hare yor taelengmi ngo hasa taelenga mekla Espritu Santus ye kekangalur eklesia kala!

Revelation 2:8

“Teftaf babior ngal angelusel eklesia la ye mel woal Smyrna le hobe sor bo: “Hapatpat le ila ye budoh mo irel yeramtawe iy mele chapdagel dah ngo iy mele haygugul loh, ngo iy molwe ye mes ngo ye wol molow tefael.

Revelation 22:21

Haradiya mo hopos la yael Samol Jesus be mel irer panger yarmat.

Revelation 3:14

“Tefa babior le ngal eklesia la ye mel woal Laodicea le hobe sor bo: “Hapatpat le ila ye budoh mo irel Amen. Iy mele tugul le ye katos, ngo wol iy mele chapil pangal meka foryel Deus.

Revelation 3:22

“Hare yor taelengmi ngo hasa taelenga mekla yalol Espritu Santus le ye kekangal eklesia kala!”

Revelation 3:7

“Teftaf babior ngal angelusel eklesia la ye mel woal Philadelphia le hobe sor bo: “Hapatpat le ila ye budoh mo irel yeramtawe ye santus ngo ye katos. Imele ye hasi key we yael David, ngo hare yebe sugu sew hatam ngo tor semal le be yoh le yebe pilta, ngo hare sa pilta sew hatam ngo tor semal le be yoh le yebe sugu.