Revelation 9:18 - Bogtag we ye Tefoy

¹⁸ Ila sew tteyal mo irel tteyal la suluw irel yarmetael talop le, re mes loh irel hafohoy ka suluw: yaf we, mo burah we, mo sulfur we ye buyoy mo lal yewer woas kowe.

Revelation 9:18 ပူးပေါင်းရင်းမြစ်များ

Revelation 8:10

Iwe ngo molwe hasolmolol angelus sa haddigi rappa we yal. Iwe ngo sefeas fis le ye palleng ngo ye bbulbul le ye wochog sew dul, sa ppung diy mo lal laeng, sa ppung diy wol mala hasluwel hasisiyal pangal mololul mo chael ka ye bididah mo falulol.

Revelation 8:11

(Mala idel iy fis le ila “Merat.”) Iwe ngo sew mo irel mokwe suluw hayyagel pangal chael wol talop le ila yesa merat mala llal, ngo ye cholop yarmat le resa mes irel chael le re yul le ye merat mala llal.

Revelation 8:12

Iwe ngo molwe hafamalel angelus yesa haddigi rappa we yal. Iwe ngo yesa towas yaal mo meram mo fis kala lal laeng; ila tay ma wer irel kasew yad kala suluw le resa hayyagi bo rebe ma wer iyang. Ngo tay ma wer yaal irel sew yod kala suluw le hayyagel lleral; iwe ngo tay wer meram mo fis kalay irel sew yad kala suluw le ye hayyagi bong.

Revelation 8:7

Iwe metamol angelus sa haddigi rappa we yal. Sa ppotog diy ice le ye wochog faesmah, mo yaef le ye pad ngal ccha, sa ppung diy wol talop. Sedep mo irel mala hasolmadpil hasisiyal talop le, le pangal loh ngo ye fisngeg loh, ngo wol ila sengal chog ire mo pangal fadil.

Revelation 8:8

Iwe ngo molwe harumalel angelus sa haddigi rappa we yal. Iwe ngo resa hallifididiy, sew formel le ye wochog sew tayit le hamtagtog le ye bbulbul, leted. Iwe sedep mo irel mala soldep le hasisiyal tad ila sa mel loh bo ccha.

Revelation 8:9

Sew mo irel tteyel mael leted kala suluw, mo irel pangal loh mael leted kala re molow, ngo panger ngo re mes loh; ngo sew mo irel hayyagel barko kala suluw irel pangal loh barko, ngo ye wol towas loh.

Revelation 9:15

Iwe resa tahcher angelus we famal; ir resa faesul fel ngal awa le mo lal ralle, mo meram le, mo rag le, ngo rebe limeserloh sew pulgul yarmat mo irel pulgul yarmat la suluw.

Revelation 9:17

Iwe ngo ikalloh isala wiri woas kala mo rechokla re mel yuchul; ngo yor parang le ye ddol checha le ye wochog yaf, ngo ye ddol harawraw le ye wochog sapphire, ngo ye wol pparangrang le ye wochog sulfur le piltael lal mekla wuber. Ngo chemel woas kala ila ye wochog chemel raywong, ngo ye bubuyoy yaef, mo burah, mo sulfur, mo lal mekla yewer.

Revelation 9:19

Bo kelel woas kala ila ye mel lal yewer mo irel mekla pechear. Bo mekla pechear ila ye wochog parchoyoh le yor chemer le ikla mele rema hawasur yarmat iyang.