Revelation 8:3 - Bogtag we ye Tefoy

³ Sa budoh semal angelus le ye hasi sew tohog kowe liliyel incense; ye budoh sala su irel altar we. Iwe ngo resa hacholpa incense le re ngaley bo yebe chila ngal mapel kala yar panger mekla lol Deus, la yebe tap maligach woal altar hoal la ye mel mo imol chiya la liliyer tamol.

Revelation 8:3 ပူးပေါင်းရင်းမြစ်များ

Luke 1:10

Irel yodwe sa gus incense we ngo yarmat re ttey le re memapelmo merawayel loboswe ye mel Altar we rema fifis incense uwol.

Romans 8:34

Ila ngo itey le yebe yoh ngali le yebe sor bo re tayikof? Te Kristus Jesus we ye mes, hare ye far molow mo irel maes, ye sala mel rela gilemra irel Deus le ye kekefalpech ngal chog Deus bo yagilgich.

Hebrews 7:25

Ila ye tugul le yebe yoh ngal Jesus le yebe hadorar rechoka re budoh irel igla mo pangal yad, ngo be yoh bo rebe loh irel Deus bo fael mala iy Jesus ye molow le tor siyal, ngo yema kekefalpechey chog Deus bo yagilir yarmat.

Hebrews 9:4

Lal hop la ye ketablong ila ye mel altar we hoal we liliyel hakukusul incense kowe ye momay bool, iwe mo Kaholel Bogtag we ye dudugloh irel hoal, ngo ye mel rume hoal we ye mel manna we iyang. Ye wol mel ire we sohol Aaron we sa fetarwey chaol; iwe ngo ye wol mel faeswe rudep we ye teftafdiy hatobtob kowe iyang.

Revelation 10:1

Iwe ngo isala woal wiri semal angelus tagiyet le yesa bidiy mo woal laeng. Sedep darmiy ye tebalililoh ngo ye mel sew lolyor wol mala chemal; woal mala metal ila ye wochog ddolol yaal, iwe ngo mekla pechel ila ye wochog ruwow bbulul yaef.

Revelation 14:18

Iwe ngo semal angelus le iy mele ye lamli yaef yesa budoh mo irel altar we. Yesa ttawul le ye palleng yalol ngal angelus we ye hasi kama we ye kkang le ye sor bo, “Tapeli kama la yam bo hobe gilsi ngal uwal milayel grape la wol talop bo grape kala ila sa masow!”

Revelation 5:8

Yodwe ye foru molwe, ngo angelus we famal mo mal tagiyet kowe riyeg mo famal resa ppung hasubgudiy wototol mo imol fadiyel Saaf we. Semal ir ngo ye hasi sew harp mo sew tohoh hoal le ye ssogol incense bo ikla mele yar mapel mekla lol Deus.

Revelation 6:9

Iwe ngo Fadiyel Saaf we sa wol hachuya molwe halmowel kkamchol fengal babior we. Iwe ngo isa wiri mo fael altar we mokwe ngulur rechokwe re limeserloh bo fael yar foloyu mokwe yalol Deus ngo re wol tugul ngal iy meka yalol.

Revelation 7:2

Iwe ngo isa wiri wol semal angelus le ye bbedah mo rel laeng la Meterael le ye hasi hagil la yael Deus le ye molow. Yesa maliliy le ye palleng yalol ngalir angelus kowe famal we Deus yesa fang keler bo rebe hatawsi talop mo taed.

Revelation 8:4

Sa bidah burahol incense we ye mel lal mokwe paol angelus we ye su mo imol Deus, le burah we ye dabey dah mapel kowe yar mokwe lol Deus.

Revelation 8:5

Iwe ngo angelus we sa hasi tohogol incense we, yesa hayeda ngal yaef mo irel altar we, yesa hacchifi diy woal talop. Iwe ngo sa ngung parr, ngo ye ffis, ngo ye falmor.

Revelation 9:13

Iwe ngo molwe hawolmalol angelus sa haddigi rappa we yal. Ngo isa rongrong sew yalol yarmat le ye bubudoh mo irel rofaw tabdungul altar le hoal le ye mel imol Deus.