Revelation 6:9 - Bogtag we ye Tefoy

⁹ Iwe ngo Fadiyel Saaf we sa wol hachuya molwe halmowel kkamchol fengal babior we. Iwe ngo isa wiri mo fael altar we mokwe ngulur rechokwe re limeserloh bo fael yar foloyu mokwe yalol Deus ngo re wol tugul ngal iy meka yalol.

Revelation 6:9 ပူးပေါင်းရင်းမြစ်များ

John 16:2

Re bele hachuyahmiloh mo irel imwel ttey kala yar. Iwe ngo bela hola yodla ngo semal le yebe limeseloh semal hami ngo yebe luluwaley le iy yesa foru sew yengang kala yael Deus.

2 Corinthians 5:8

Gich ye kkel depach ngo si dipli sibe ligdi meka holongoch — le ikla mele imwach — bo si bela mel irel Samol.

Philippians 1:23

Iy tai gola sew meka le ibe dabey. Yesa kkel depey ibe ligdi molow le wol talop, bo ibela mel irel Kristus le ila mala ye kkel yal momay;

Philippians 2:17

Malbo ngang ibe mes ngo be ser cchay wol maligach la hami ha fang ngal Deus bo fal mala ye tugul lal dipmi irel. Hare be ila sengal, ngo ngang isa rraey ngo ibe kangalugmi pangmiloh lepal yai rraey.

2 Timothy 1:8

Ho towe maa le hobe kapta kofael Samol la yach, ngo ho towe maagiliyey irel mele isa kalbus le fael Kristus. Hobe far dabeyey irel hafohoy bo fael Hapatpat Momay we le iy Deus yebe fang kkelem iyang.

2 Timothy 4:6

Iwe ngo ngang ila sa hola yodwe rebe tap maligach ngang, sa hola yodwe ibe chuytang molow le.

Hebrews 12:23

Hasa budoh irel rraeyel ttey le yar rechoka re metamol mel bo lol Deus, le yesa teftaf ider wol laeng. Hasa budoh irel Deus le iy mele yema hatugulu kofer panger yarmat. Hasa budoh irel ngulur rechoka re momay le resa mel luwul kamdidiy.

Revelation 1:2

iwe ngo John yesa sor pangal loh mekla iy yesa wiri. Iye mele yalol irel kofal hapatpat la ye budoh mo irel Deus, iwe mo mala ye katos le Jesus Kristus yesa halleha loh.

Revelation 1:9

Ngang John we bismi. Irel yai mel bo re dabeyel Jesus mele isa mel bo choulwami irel yedamgel luwul weres mo hafohoy kala yema holar rechokla ye tugul le rebe loh irel mala Lamliyel Deus. Resa yitilyey woal fulu le Patmos idal bo fael mala ifoloyu mekla yalol Deus mo mokla ye katos le Jesus yesa halleha loh.

Revelation 14:18

Iwe ngo semal angelus le iy mele ye lamli yaef yesa budoh mo irel altar we. Yesa ttawul le ye palleng yalol ngal angelus we ye hasi kama we ye kkang le ye sor bo, “Tapeli kama la yam bo hobe gilsi ngal uwal milayel grape la wol talop bo grape kala ila sa masow!”

Revelation 16:7

Iwe ngo isa rongrong lliyalol semal yarmat mo irel altar we le ye sor bo, “Samol Deus le pangal ngo ma yoh irem! Ye katos ngo ye fel mekla homa hatugulu!”

Revelation 19:10

Isa ppungdiy lengchel mokwe pechel bo ibe hasrowu, ngo ye kangaluyey bo, “Ho towe foru mala! Ngang semal re hagloy le iwochog gel mo mokwe bisim le panger ngo re taelenga chog mekla ye katos le Jesus ye kapta. Hasrowu Deus!” Bo mekla ye katos le Jesus ye kapta, ila ikala chog ir profeta kowe re dabey.

Revelation 2:13

Ngang igula lobole hama mel iyang; ila lobowe Satan ye lamli. Hami ila ha katos ngalyey, iwe ngo hate tahchaloh kelel yal tugul dipmi irey; le ila mwo irel yodwe re limeseloh Antipas we yai tugul mo irel loboswe yema mel Satan iyang.

Revelation 20:4

Iwe ngo isa wiri tot chiya kowe liliyer tamol. Ngo rechokla re maroro uwol ila resa fang ngalir keler le rebe hatugulu igegel formel. Ngo iwol wiri mokwe ngulur rechokwe re limeserloh bo fael mala re foloyu mekla ye katos le Jesus ye kawraloh iwe mo mala yalol Deus, ngo rete hasrowu malfefedeg we mo molwe liyosal. Iwe ngo rete wol yetedah hagil we yael malfefedeg we wol mekla mangor hare wol mekla gumchur. Re molow tefael mo irel maes re sala mel irel Kristus bo rebe dabey irel king irel sangeras raeg.

Revelation 8:3

Sa budoh semal angelus le ye hasi sew tohog kowe liliyel incense; ye budoh sala su irel altar we. Iwe ngo resa hacholpa incense le re ngaley bo yebe chila ngal mapel kala yar panger mekla lol Deus, la yebe tap maligach woal altar hoal la ye mel mo imol chiya la liliyer tamol.

Revelation 9:13

Iwe ngo molwe hawolmalol angelus sa haddigi rappa we yal. Ngo isa rongrong sew yalol yarmat le ye bubudoh mo irel rofaw tabdungul altar le hoal le ye mel imol Deus.