Revelation 6:4 - Bogtag we ye Tefoy

⁴ Iwe ngo sa wol buyoy semal woas le ye checcha ddolal. Resa fang kelel yeramtawe ye dage woas we bo yebe hasidoh fedeg wol talop le, bo mil mala re talop be ir chog yar lliy fengalir. Iwe ngo resa ngaley seyey saiden kowe ye palleng.

Revelation 6:4 ပူးပေါင်းရင်းမြစ်များ

Matthew 10:34

“Ha towe luluwaley le isa budoh bo iy be hasidoh hopos lal faileng le. Yeb, ite budoh bo ibe hasidoh hopos bo seyay sayden mele ihasidoh.

Matthew 24:6

Habe rongrong pupungul fedeg ka ye rep mo kaptal fedeg kala ye ddaw, iwe ngo ha towe rusmes. Tappel meka ila ye tugul le be weldoh, ngo halachog ila ted ila mele miril faileng.

John 19:11

Jesus yesa hatefaeli ngo sa sor bo, “Mala kkelem uwoy ila Deus mele ye fang ngalug. Iwe ngo yeramtala ye fang long ngang lal pom mele yesa foru molfid la ye palleng.”

Revelation 12:3

Ngo sa wol llah loh sew formel mo lal laeng. Ye mel semal dragon le hasfaluy mala lepal le ye checha, ngo fusuw mekla chemal, ngo seg mekla taelengal le ye wochog talengel karbow. Iwe ngo be sew mokwe chemal ngo ye mel sew cholfach kowe yar tamol we ye pachigchig iyang.

Revelation 13:10

Te tugul semal le ye faesul budohol le rebe dorfiy, ila ye tugul le rebe dorfiy; te tugul semal le ya faesul budohol le yebe mes irel saiden, ila ye tugul le yebe mes irel saiden. Mele ila mil mala mekla lol Deus rebe hakela chog deper irel yar tugulul ladep ngo re tagul ngal Deus.”

Revelation 17:3

Espritu Santus sa bidiy uwoy ngo angelus we sa hasiyey loh lal sew tolmay loh. Isala wiri semal fefel le ye maroro wol semal malfefedeg le ye checha mala ddolal, ngo yor yid kowe ye tayikof mo irel Deus le ye teftaf fedal uwol. Iwe ngo malfefedeg le ila fusuw chemal, ngo seg talengal le ye wochog taelengel karbow.

Revelation 17:6

Ngo iwiri fefel we le ye belas irel cchar mokwe lol Deus, mo rechokwe re limeserloh bo fael molwe ir re dabey Jesus. Yodwe iy wiri fefel le ngo iluwdah irel.