Revelation 6:10 - Bogtag we ye Tefoy

¹⁰ Re tawulagili loh le ye pallieng yalor yar sor bo, “Samol le pangal ngo ma yoh irem, ngo ho santus ngo ho katos! Be chil ifa lepal ssulayel ngo sa moch hola yodla hobe hatugulu kofer yarmetael talop le ngo ho hagrer bo fael yar limesehmem loh?”

Revelation 6:10 ပူးပေါင်းရင်းမြစ်များ

Luke 2:29

“Samol, hosa foru igla molwe ho faesul hatugulu, hole fang mele re haforol yalom bo yebe loh luwul hopos.

Luke 21:22

Bo ila mala fael ‘Yodol Hagerger,’ bo yebe hayaho pangal mokwe Babior we ye Santus ye sor.

Romans 12:19

Rewol maryarey, hatowe ma palili tayikof, ha ligdi bo ssong la yael Deus mele yebe foru. Bo babior we ye santus ye sor bo, “Ibele foru paliyel ssong le yai, ibele hatefaeli mala paliyel, yalol Samol yal sor.”

Hebrews 12:24

Hasa budoh irel Jesus, le iy mele yesa hafle bogtag le ye tefoy, iwe mo irel ccha we ye ser we ye kkel kkamelal mo imol molwe cchal Abel irel yal hatugulu ngalgich ikla ye momay tot.

2 Peter 2:1

Rechoka te katosol profeta le re budoh luwulur yarmat muswe, ila be wol ila sengal yar budoh rechoka te katosol chol foloy luwulumi. Re bele hasidoh foloy kala yar le te katos ngo yebe hasidoh tayikof. Iwe ngo re bele hasi bo re togla Masta we iy mele ye demerir, ila bele ir chog yar hasi ngalir hagerger.

Revelation 11:18

Iwe ngo rechokla rete chepar irel Deus ila sa kel yar ssong, bo fael mala sa hola yodla gel hobe ssong iyang, mo yodla hobe hatugulu kofer chomes iyang. Ngo sa hola yodla hobe fang paliyer profeta kala yam re hagloy mo pangerloh mekla lom, le pangerloh ngo ho ssor mo irer, le rechokla re tagiyet mo ikla re totol. Iwe ngo sa hola yodla hobe llir loh rechokla re kkateyikofa talop le!”

Revelation 18:20

Be momay depom ho laeng bo yesa towas haplom we! Be chehas lal dipmi profeta mo apostel mo hami mekla lol Deus! Bo Deus yesa fang yael haplom le hagerger le fael mokwe sa faor ngalugmi!

Revelation 18:24

Babylon ila resa hagre bo fael mokwe cchar profeta kowe mo mokwe lol Deus we re llir diy wol haplom le, mo mekla cchar rechokla re limeserloh mo woal talop le.

Revelation 19:2

Ye katos ngo ye bung mekla yema kapta! Yesa fang yael fefel we yema tap chuway holngol hagerger bo iy mele ye hatawsi hopos wol talop le irel wegdegel maltemay kowe yal. Deus sa fang yal hagerger bo fael mala ye limeserloh re hagloy kowe yal.”

Revelation 3:10

Bo fal mala ha talenga chog meka yaloy, mele iy be foru le habe daor mo irel hagerger la be budoh wol ballel faileng le yebe haglar panger retalop.

Revelation 3:7

“Teftaf babior ngal angelusel eklesia la ye mel woal Philadelphia le hobe sor bo: “Hapatpat le ila ye budoh mo irel yeramtawe ye santus ngo ye katos. Imele ye hasi key we yael David, ngo hare yebe sugu sew hatam ngo tor semal le be yoh le yebe pilta, ngo hare sa pilta sew hatam ngo tor semal le be yoh le yebe sugu.