Revelation 5:9 - Bogtag we ye Tefoy

⁹ Resa yawli sew ton le ye tefoy: “Gel mele yor igegem le hobe hasi babior le ngo hosa hatawsi mekla kkamchol. Bo gel mele re limesehloh, ngo irel yam tapeli maligach yam mes, mele ho foru bo pangal yarmat ngo rebe mel bo lol Deus, le yarmetael sew mo sew haleng, mo chol sere mo sere lam, mo pangal metmetael yarmat.

Revelation 5:9 ပူးပေါင်းရင်းမြစ်များ

Matthew 20:28

le be wochog molwe Layur Retalop le te budoh bo yarmat rebe hammale, bo ye budoh yebe hammaler yarmat, ngo ye fangloh yal nngas bo be demerir yarmat cholop.”

Matthew 26:28

mele ila cchay le ye bele mel bo tugulul bogtag le yael Deus, mele cchay ila bele serloh bo yagilir panger yarmat, bo yebe chuy fael molfid.

Acts 20:28

Ila ha hafallugmi ngo hasa hafalir rechokla Espritu Santus sa fang ngalugmi bo habe hafalir. Ha metalgi eklesia la yael Deus, le yesa foru bo spegil yal irel maligach we ye mes molwe Lol iyang.

1 Corinthians 6:20

Yesa mol yal chuwayugmi le ye cchaw palimi le ye fang. Ila ha tapeli mekla holongomi ngal falmay la yael Deus.

1 Corinthians 7:23

Deus yesa chuwayugmi le ye cchow palimi; ila ha towe mel bo layur yarmat slave.

Ephesians 1:7

Irel molwe cchal Kristus we ye serdiy mo wol krud, mele siya tal iyang le sa chuy fael yach molfid. Ye palleng haradiya la yael Deus,

Ephesians 5:19

Habe ma kapatpat fengal le habe ma tapeli hapatpat kowe ye mel irel Psalms mo ton ka ye santus; ha ton ngal Samol le habe kapingpinga mo lal yami luluwal mo lal dipmi.

Colossians 1:14

le iy mele yesa teladgich, ngo Deus ye hachuya fael yach molfid le fael iy.

Colossians 1:23

Ye tugul le habe taboloh chog yami tugul le yebe mel le towol chutangugmi, ngo ye tugul le ha towe hayyewla dipmi irel mala yesa luglug dipmi iyang, le ye yoh ngalugmi irel yodwe ha rongrong Hapatpat Momay we. Ngang Paulus ila imel bo semal boy le fael Hapatpat Momay we — iy Hapatpat Momay we ila resa foloyu ngalir panger yarmat lal faileng le.

Titus 2:14

Ye fangloh yal nngas bo yagilgich bo be hadora gich mo luwul pangal tayikof, ngo ye foru le sibe tal le iy mele ye lamligich ngo si cchehas le sibe foru mekla ye momay.

Hebrews 11:14

Rechokla ila sengal yar hapatpat ila resa hallehaloh le ir re chil memeri mala halngol bugter.

2 Peter 2:1

Rechoka te katosol profeta le re budoh luwulur yarmat muswe, ila be wol ila sengal yar budoh rechoka te katosol chol foloy luwulumi. Re bele hasidoh foloy kala yar le te katos ngo yebe hasidoh tayikof. Iwe ngo re bele hasi bo re togla Masta we iy mele ye demerir, ila bele ir chog yar hasi ngalir hagerger.

1 John 1:7

Iwe ngo hare si mel luwul teram, le siya wochog iy le ye mel luwul teram, ila ngo gich ila siya rol sew chog mo iy. Bo mala cchal Jesus we Lol mele yesa chuy yach molfid iyang.

1 John 2:2

Iwe ngo fael Kristus mele ye chuy fael molfidich iyang, ngo te molfidich chog bo wol molfidir panger yarmat.

Revelation 10:11

Iwe ngo sa wol kangaluyey bo, “Hobe wol kapta loh fael sew mele yalol Deus le kofer chol sere mo sere lam, mo daodol yarmat, mo yalol fuluy, iwe mo king.”

Revelation 11:9

Panger yarmetael fuluyel lal faileng le ngo rebe kalngali mekla porgor irel suluw mo setab ral ngo re towe mechael bo rebe lebar.

Revelation 13:7

Ye wol tal le yebe fedeg ngalir mekla lol Deus, ngo ye halusur ngo ye wol yor kelal uwor pangal haleng mo lam, mo yalol pangal fuluy mo pangal matmetael yarmat.

Revelation 13:8

Panger rechoka re mel woal talop ngo rebe hasrowu. Rechokla chog imol yodwe yebe sub faileng, ngo yesa faesul teftaf ider lal molwe babioror cho molow we yael Saaf we re limseloh, mele re towe hasrowu.

Revelation 14:6

Iwe ngo isa wol wiri semal angelus le ye yeyael loh mo lal sibol lang lay, le ye hasi sew hapatpat le tor fael sew le be moa le kofal Hapatpat Momay we le yebe kangalur re talop, le chol sew mo sew daaey, mo haleng, irel yalol sew mo sew fuluy mo chol sere mo sere.

Revelation 15:3

ngo re totona ton kowe yael Moses we iy yael Deus re hagloy, iwe mo ton we yael Fadiyel Saaf we le re sor bo: “Samol Deus le pangal ngo ma yoh irem, tusurem irel kamdidiyel wegdeg kala yam! Gel mele Kingel pangal lam, le ye fel ngo ye katos pangal yam wegdeg!

Revelation 17:15

Angelus we ye wol kangaluyey bo, “Chael kala ho wiri le fefel la ye hafayeg le ma tap chuway holongol ye maroro lengchel ila sere mo sere lam, mo yarmat, ngo sew mo sew daodol yarmat mo yalol fuluy.

Revelation 4:11

“Yamem Samol ngo yamem Deus! Gel mele ye fel igegam le habe hapingpingah ngo ha hasrowug irel mala kelem. Bo gel mele ho foru pangal formel. Ngo gel mele yam luluwal le rebe sub ngo re molow.”

Revelation 5:12

Re toton le ye palleng yalol yar ton le re sor bo: “Fadiyel Saaf we resa mwol limeseloh ila ye fel le yebe lamli pangal formel ngo ye loh ngali falmay, repiy, kkel, mo ssor ngo iy mele sibe hapingpinga!”

Revelation 5:6

Iwe ngo isa wiri semal Fadiyel Saaf le ye su lochochol chiya we liliyer tamol ngo angelus kowe famal mo mal kowe re tagiyet re tebalililoh. Ngo fadiyel Saaf la ila ye molow ngo ye llehal molwe resa mwol limeseloh. Ngo fusuw mekla taelengal le ye wochog taelengel karbow ngo fisfos metal, le ikla mele espritu we fismol we re ye yengang ngal Deus, ngo Deus ye fangloh ir wol pangal loh talop le.