Revelation 5:6 - Bogtag we ye Tefoy

⁶ Iwe ngo isa wiri semal Fadiyel Saaf le ye su lochochol chiya we liliyer tamol ngo angelus kowe famal mo mal kowe re tagiyet re tebalililoh. Ngo fadiyel Saaf la ila ye molow ngo ye llehal molwe resa mwol limeseloh. Ngo fusuw mekla taelengal le ye wochog taelengel karbow ngo fisfos metal, le ikla mele espritu we fismol we re ye yengang ngal Deus, ngo Deus ye fangloh ir wol pangal loh talop le.

Revelation 5:6 ပူးပေါင်းရင်းမြစ်များ

Luke 1:69

Yesa hayaho ngalgich Demer we ye tagiyet le ye budoh mo irel daowe yael David we yal re hagoloy.

John 1:29

Yela ralawe seral ngo Johannes sa wiri Jesus le ye bubudoh irel, ngo sa sor bo, “Ilay iy Agnus we Lol Deus we yema hachuya molfidir re faileng!

John 1:36

ngo yesa wiri Jesus le ye dedarloh. Iwe ngo Johannes yesa sor bo, “Ilay iy Agnus we Lol Deus!”

Acts 8:32

Iye pedal lobowe yeramtawe ye yeyawli mo yuchul kuruma we: “Ye wochog semal saaf le resa hasiloh bo re bela lliy. Ye wochog semal fadiyel saaf le te maliliy irel yodwe re guru loh mokwe yulal. Sepad mwo hapatpat ngo yete sor.

Revelation 1:4

Babior le ila ye budoh mo irey ngang John le yai ngal eklesia kala fusuw le ye mel wol Asia: Deus le ye mel igla, ngo ye mel igawe, ngo yebe chil budoh, iwe mo espritu kala fismol le re mel imol mala liliyel Deus rebe fang haradiya mo hopos ngalugmi.

Revelation 12:11

Mekla wol bisich mele resa kel bo fael molwe cchal fadiyel Saaf we, mo irel mala ye katos le resa kapta loh, ngo ye kkel deper le rebe fangloh yar ngas bo rebe mes.

Revelation 13:8

Panger rechoka re mel woal talop ngo rebe hasrowu. Rechokla chog imol yodwe yebe sub faileng, ngo yesa faesul teftaf ider lal molwe babioror cho molow we yael Saaf we re limseloh, mele re towe hasrowu.

Revelation 14:1

Iwe ngo ila kalloh, isla wiri Fadiyel Saaf we le ye su woal tayitel Zion le subguy mo fayeg mo faw sangeras (144,000) lepal yarmat le re mel irel, le ye teftaf idal mo idel mala Temal wol mekla mangor.

Revelation 17:14

Panger ngo re bele fedeg ngal Fadiyel Saaf we; ngo Fadiyel Saaf we mo rechokla yesa ffesangur ngo ye duwler bo choluwal le ye fel wegdigir, ila rebe win bo fael mala iy mele Samolol samol ngo iy mele Kingel king.”

Revelation 21:22

Tor templum le iwiri mo lal haplom we, bo templum la iyang ila Samol Deus le pangal ngo ma yoh irel mo Fadiyel Saaf we.

Revelation 21:23

Tor pelal le be werdiy yaal mo meram uwol haplom we, bo falmay la yael Deus be werdiy uwol, ngo Fadiyel Saaf we mele habulal.

Revelation 22:1

Angelus we ye kewar ngalyey mololul we yema fang chaell molow, ngo ye ddoldol le ye wochog crystal ngo ye budoh mo irel mala liliyel Deus mo Fadiyel Saaf we,

Revelation 22:3

Tor sew meka Deus yesa sor bo ye tayikof le sibe wiri mo lal haplom le. Mala liliyel Deus mo Fadiyel Saaf we ila bele mel lal haplom we, ngo rehagaloy kowe ila re bele hasrowu.

Revelation 4:8

Iwe ngo be semal ir angelus kowe famal ngo wolre paol le igegel paol mael yeyal kowe, ngo pangal loh wol mokwe payur mo fael mekla payur ngo yor meter iyang. Ngo lerrael mo llubong ngo re tema ppoloh mo irel yewawal ton le rema sor bo: “Santus, santus, santus, Samol Deus le pangal ngo ma yoh irel, ngo ye faesul mel igla, ngo ye mel igawe, ngo yebe chil budoh.”

Revelation 5:11

Isa wol kalloh isala wiri ngo irongrong yalor angelus le re cholop, cholop le re towe pangeg le re su tebalililoh chiya we liliyer tamol, mo angelus we famal lengchel chiya we liliyel tamol mo mal kowe re tagiyet.

Revelation 5:12

Re toton le ye palleng yalol yar ton le re sor bo: “Fadiyel Saaf we resa mwol limeseloh ila ye fel le yebe lamli pangal formel ngo ye loh ngali falmay, repiy, kkel, mo ssor ngo iy mele sibe hapingpinga!”

Revelation 5:13

Iwe ngo panger metmetal mael molow woal laeng, woal talop, mo falyayulol mo leted, iwe mo pangal loh mekla ye molow lal yayural ngo irongrong yalol yar ton le re sor bo: “Ngali yeramtala ye maroro wol chiya la liliyel tamol mo Fadiyel Saaf la, sibe hapingpingar ngo si hasrowur ngo re bele lamli pangal formel le tor siyal!”

Revelation 5:14

Angelus kowe famal resa hatefaeli ngo resa sor bo, “Amen!” Iwe ngo mal kowe re tagiyet resa ppung hasubgudiy wototol ngo resa hasrowu.

Revelation 6:16

Iwe ngo resa fofos wey irel tayit mo faesullap kowe le re sor bo, “Ha ppungdiy uwomem bo habe mwolloh mo lal metael yeramtala ye maroro wol chiya la liliyer tamol, iwe mo ssong la yael Fadiyel Saaf la!