Revelation 4:11 - Bogtag we ye Tefoy

¹¹ “Yamem Samol ngo yamem Deus! Gel mele ye fel igegam le habe hapingpingah ngo ha hasrowug irel mala kelem. Bo gel mele ho foru pangal formel. Ngo gel mele yam luluwal le rebe sub ngo re molow.”

Revelation 4:11 ပူးပေါင်းရင်းမြစ်များ

Acts 14:15

“Meda mele hala foru mele iye sengal iyang? Hamem ila, hamem yarmat le tappel chog hami! Ha budoh habe foloyu Hapatpat Momay we ngalugmi, bo habe wigdi dipmi tang meka tor pelal bo habe tagul ngal Deus la yema fang molow. Iy mele ye foru laeng mo talop, mo taed mo pangal meka ye mel iyang.

Acts 17:24

Deus la ye foru faileng le mo pangal meka ye mel iyang, ila iy mele Samol woal laeng mo wol talop le. Ngo ye tema mel lal templum ka foriyel yarmat.

Romans 11:36

Pangal formel ngo iy mele ye foru ngo pangal formel ngo ye tobtobloh chog yal mel la fael iy. Falmay ngal Deus le ye mel le tor siyal! Amen.

Ephesians 3:9

Iwe ngo ihatarmar panger yarmat irel wululul yael Deus yangtali mekla ye luluwaley yebe foru le ye llebag. Deus le ye hasub pangal formel mele ye yitol chog mala ye luluwaley yebe foru le ye llebag muswe yee, la hola doh raleka

Hebrews 1:10

Ngo iy ye wol sor bo, “Chapdageldah chog ngo gel ho Samol mele ho foru talop mo laeng le foriyel lal pom.

Hebrews 1:2

Iwe ngo yela ralleka, ngo molwe Lol mele yesa hadayu ngalgich mekla yalol. Deus ye tapeli mala Lol bo yebe hasub laeng mo talop. Iwe ngo yesa duwley mala Lol le bela wol mirilloh, ngo iy mele yebe lamli pangal formel.

Revelation 1:6

Iwe ngo ye foru gich le sibe mel bo chol sew lam le gich temarong bo sibe yengang ngal Deus la Temal. Falmay mo ssor ngal Jesus Kristus pangal yodol! Amen.

Revelation 10:6

Ngo yesa hatugulu mo fael idel Deus la ye molow le tor siyal, le iy mele ye foru laeng mo talop, iwe mo taed, mo pangal matmetal mekla ye mel iyang, le ye sor bo, “Towol yoh le iy be chil hassulayi loh tot mele!

Revelation 14:7

Yesa kangalur le ye palleng yalol le sor bo, “Ha hasrowu ngo ha hapingpinga Deus le ye Hartael Tagiyet! Bo sa hola yodwe iy yebe hatugulu kofer yarmat iyang. Ha hasrowu bo iy mele ye foru laeng, mo talop, mo taed, mo chael!”

Revelation 19:1

Yela wol miril mele ngo isa rongrong yalor yarmat woal laeng le re cholop le re sor bo, “Hapingpinga Deus! Molow, falmay mo kkel ila lamliyel Deus la yach!

Revelation 5:12

Re toton le ye palleng yalol yar ton le re sor bo: “Fadiyel Saaf we resa mwol limeseloh ila ye fel le yebe lamli pangal formel ngo ye loh ngali falmay, repiy, kkel, mo ssor ngo iy mele sibe hapingpinga!”

Revelation 5:2

Ngo iwiri semal angelus kowe ye kel le ye maliliy le ye hapallingi yalol le ye sor bo, “Itey le yor igegal le yebe hatawsi meka kkamchol fengal babior le ngo yesa yaldaloh babior le?”

Revelation 5:9

Resa yawli sew ton le ye tefoy: “Gel mele yor igegem le hobe hasi babior le ngo hosa hatawsi mekla kkamchol. Bo gel mele re limesehloh, ngo irel yam tapeli maligach yam mes, mele ho foru bo pangal yarmat ngo rebe mel bo lol Deus, le yarmetael sew mo sew haleng, mo chol sere mo sere lam, mo pangal metmetael yarmat.