Revelation 4:1 - Bogtag we ye Tefoy

¹ Wol miril mele ngo isa kalloh isala wiri sew hatam le sa sugeg loh mo woal leang. Iwe ngo isa rongrong lliyalol sew formel le ye wochog yalol rappa we isa moal rongrong yalol yal maliliy ngalyey le ye sor bo, “Bidah iga, ibe kewar ngalug mekla ye tugul le yebe weldoh mo wol miril mele.”

Revelation 4:1 ပူးပေါင်းရင်းမြစ်များ

Matthew 3:16

Yodwe chog Jesus ye baptismus, ngo yesa bidah mo lal mololul we. Iwe ngo laeng sa sugeg ngali, ngo sala wiri Espritu Santus we yael Deus le sa bidiy le ye wochog semal dove.

Mark 1:10

Yodwe chog ye bidah Jesus mo lal chael we ngo sa wiri laeng le sa sugeg ngo sa bidiy Espritu Santus uwol le ye llehal semal dove

Luke 3:21

Yela wol miril yael Johannes baptismusgilir panger yarmat ngo yesa wol baptismusgili Jesus. Yodwe Jesus ye memapel ngo sa sugeg lang,

John 16:13

Yodla bela budoh Espritu Santus le yema kawraloh mala ye katos le kofael Deus, ngo ye bele kangalugmi pangal mekla ye katos. Te mekla iy ye luluwaley mele yebe kapta kofal, bo yebe kapta kofael mala iy ye rongrong. Iwe ngo yebe wol kangalugmi kofal mekla yebe weldoh.

Acts 10:11

Yesa wiri laeng le ye sugeg, iwe mo sew formel le ye wochog sew mengag kowe ye hammetag le ye kemachdah mekla tabdungul wulural sa bibidiy wol talop.

Acts 7:56

Iwe ngo yesa sor bo, “Ha kalloh! Isa wiri laeng le yesa sugeg, ngo molwe Layur Retalop iyelay ye su rela gilemra irel Deus!”

Revelation 1:10

Woal molwe bungul Samol, ngo Espritu Santus yesa bidiy uwoy, iwe ngo isa rongrong sew lliyalol yarmat le ye palleng, le ye wochog pallengel yalol sew roppa le ye maliliy doh mo lugutugruy,

Revelation 1:12

Ila tagul tefael bo ibe kemahoy le iy molwe ye maliliy ngalyey, ngo isala wiri fusuw liliyel habulbul le hoal.

Revelation 1:19

Tefadiy meka hosa wiri lal babior, le meka igla mo ikla ye bele moch weldoh.

Revelation 11:12

Iwe ngo profeta we rumal resa rongrong sew yalol yarmat le ye palleng le ye bidiy mo woal laeng le ye sor bo, “Ha bidah mo iga!” Yodwe rechokwe re hattohar ngalir, re chil kekamahor, ngo resa bidah woal laeng le re mel luwul sedep darmiy.

Revelation 11:19

Iwe ngo sa sugeg templum we yael Deus wol laeng, ngo yesa llah loh Kaholol Bogtag we le ye mel iyang. Iwe ngo ye ffis, ngo ye margog, ngo ye ngungung parr, ngo ye folmor, ngo ye ppung diy ice le ye wochog faesmah.

Revelation 16:17

Iwe hafismolol angelus sa hasreloh tohog we hasiyal lal laeng. Ngo sew lliyalol yarmat le ye palleng sa buyoy mo irel chiya we liliyel tamol mo lal templum we le ye sor bo, “Yesa moll!”

Revelation 19:11

Iwe ngo isa wiri laeng yal sugeg loh, ngo ye mel semal woas kowe ye bbech iyang. Ngo yeramtala ye dage ila rema ffesangu ngali bo Katos mo Tugul: Ye fel kofael mekla yema hatugulu mo ikala yema fedgagili.

Revelation 22:6

Iwe ngo angelus we sa kangaluyey bo, “Hapatpat le ila ye katos ngo be yoh le be luglug depach iyang. Ngo Samol Deus we ye fang Espritu Santus la yal ngalir profeta kowe, ila yesa hagloyu loh angelus we lol bo bela kewar ngalir boy kala yal mekla ye tugul le towol ssulay ngo bele weldoh.”