Revelation 3:14 - Bogtag we ye Tefoy

¹⁴ “Tefa babior le ngal eklesia la ye mel woal Laodicea le hobe sor bo: “Hapatpat le ila ye budoh mo irel Amen. Iy mele tugul le ye katos, ngo wol iy mele chapil pangal meka foryel Deus.

Revelation 3:14 ပူးပေါင်းရင်းမြစ်များ

John 1:3

Deus ye hasubu pangal formel mo iyang; tor sew meka ye subdoh le iy ye tamel iyang.

John 8:14

Jesus sa hatefaeli ngo sa sor bo, “Yeb, ila mwo ikekapta kofay lufulyey ngo meka iy kekapta ila ye katos, bo ngang igula lobosle ibudoh mo iyang mo lobosle ibe loh iyang. Hami ha togla lobosle ibudoh mo iyang hare lobosle ibe loh iyang.

2 Corinthians 1:20

bo iy mele “Ngo” ngal pangal mekla Deus ye hatugulu. Ila fal le irel Kristus ngo sima sor bo “Amen” irel yach hapingpinga Deus.

Colossians 1:15

Kristus ila ye igegeli chog Deus. Iwe ngo Kristus ila ye yoh le si wiri ngo Deus ila si tema wiri. Iy mele ye metamol subdoh le Lol Deus ngo ye tagiyet mo imol pangal mekla Deus ye hasbudoh.

Colossians 1:18

Iy mele ye tamolu eklesia le ila mala holongol — ngo iy mele chapil molowal holong. Iy mele metamol Lol Deus, ngo Deus ye hamolowa tefali mo irel maes, bo fael mala hal iy chog mele yebe hamo mo imol pangal formel.

Colossians 2:1

Ibe kangalugmi lepal kkelel yai yengang le fal ngalugmi mo yarmetael Laodicea mo rechokla re toglayey.

Colossians 4:16

Yebe moll yami yawli babior le, ngo hasa hafali bo rede te yawli ngal eklesia la wol Laodicea. Iwe ngo hasa yawli babior la mekla bisich mo wol Laodicea rebe fangwey iremi.

Revelation 1:11

le ye sor bo, “Tefadiy meka ho wiri lal babior, ngo hosa fang loh babior la irel eklesia kala re mel wol haplom kala fusuw: Ephesus mo Smyrna mo Pergamum mo Thyatira mo Sardis mo Philadelphia iwe mo Laodicea.”

Revelation 1:5

Iwe ngo haradiya mo hopos yebe wol budoh iremi mo irel Jesus Kristus we ye yitol depal irel folol Ebangelium we. Bo iy mele mol lol Deus mal ngo ye molow tefael mo irel maes ngo iy mele ye lamlir panger king lal faileng le. Ye hachang gich, ngo irel yal mes mele ye taldigich mo irel mala kelel molfid.

Revelation 19:11

Iwe ngo isa wiri laeng yal sugeg loh, ngo ye mel semal woas kowe ye bbech iyang. Ngo yeramtala ye dage ila rema ffesangu ngali bo Katos mo Tugul: Ye fel kofael mekla yema hatugulu mo ikala yema fedgagili.

Revelation 2:1

Iwe ngo yesa kangaluyey bo, “Tefa babior le ngal angelusel eklesia la ye mel woal Ephesus le hobe sor bo: “Hapatpat le ila ye budoh mo irel yeramtawe ye holu fis we fisfos lal paol rewe gilemra, iwe ngo yema daer llepadpedal liliyel habulbul kowe fusuw we hoal.

Revelation 21:6

Iwe ngo sa sor bo, “Yesa moll! Ngang mele metamol, ngo ngang mele hartal, ngang mele chapdagel dah mo haygugul loh. Te tugul semal le ye batbat ngo ibe fang lemal chael le tor paliyal mo irel chael la yema fang molow.

Revelation 22:13

Ngang mele metamol, ngo ngang mele hartal, ngang mele chapdagel, mo haygugul loh.”

Revelation 22:6

Iwe ngo angelus we sa kangaluyey bo, “Hapatpat le ila ye katos ngo be yoh le be luglug depach iyang. Ngo Samol Deus we ye fang Espritu Santus la yal ngalir profeta kowe, ila yesa hagloyu loh angelus we lol bo bela kewar ngalir boy kala yal mekla ye tugul le towol ssulay ngo bele weldoh.”

Revelation 3:7

“Teftaf babior ngal angelusel eklesia la ye mel woal Philadelphia le hobe sor bo: “Hapatpat le ila ye budoh mo irel yeramtawe ye santus ngo ye katos. Imele ye hasi key we yael David, ngo hare yebe sugu sew hatam ngo tor semal le be yoh le yebe pilta, ngo hare sa pilta sew hatam ngo tor semal le be yoh le yebe sugu.