Revelation 3:12 - Bogtag we ye Tefoy

¹² Semal le be yoh ngali meka ngo yebe tagiyet mo irel Templum la yael Deus ngo tor fael sew le yebe chuy mo iyang. Ibe tefadah mala idel Deus la yai uwol yeramtala iwe mo idel mala haplamol Deus le Jerusalem le ye tefoy le bele moch bidiy mo wol laeng mo irel Deus la yai. Iy be wol tefadah mele idey le ye tefoy uwol.

Revelation 3:12 ပူးပေါင်းရင်းမြစ်များ

Mark 12:16

Iwe resa hasidoh sefaes salpiy silver resa ngaley. Iwe ngo Jesus sa kasiyar bo, “Yongol itey mo idel itey mele?” Iwe ngo ir resa sor bo, “Yongol mo idel molwe Llulupal Roma.”

Galatians 2:9

James, Pedrus mo John, we medalbo ir mele metael yalor yarmetael eklesia, ngo re gola le Deus mele ye fang ngalyey yengang le bo ibe foru. Iwe resa yichpoy ngalugmem mo Barnabas, le re kkewar ngalugmem bo pangamem ngo hamem chog choal sew yengang. Ye sala sew chog yamem luluwal le ngang mo Barnabas ha bele yengang luwulur Gentiles ngo ir re bele yengang luwulur Jews.

Ephesians 3:15

le pangal idel haleng woal laeng mo wol talop ngo ye budoh mo irel.

Hebrews 12:22

Hami ha far budoh irel mele tayitel Zion mo mele haplomol Deus la ye molow, irel Jerusalem la wol laeng le ye ssogol angelus.

Hebrews 13:14

Bo tor haplomoch mo wol talop le la be ssulay yal mel. Gich si memeri haplom la haplomoch ral kalay.

1 John 4:4

Iwe ngo hami rewol layi, ila hami lol Deus le hasa kel tangir profeta kala te katos foloy kala yar. Mele ila fael mala Espritu Santus la ye mel uwomi, ila ye kel tang ila ye mel uwor yarmetal talop le.

Revelation 14:1

Iwe ngo ila kalloh, isla wiri Fadiyel Saaf we le ye su woal tayitel Zion le subguy mo fayeg mo faw sangeras (144,000) lepal yarmat le re mel irel, le ye teftaf idal mo idel mala Temal wol mekla mangor.

Revelation 17:14

Panger ngo re bele fedeg ngal Fadiyel Saaf we; ngo Fadiyel Saaf we mo rechokla yesa ffesangur ngo ye duwler bo choluwal le ye fel wegdigir, ila rebe win bo fael mala iy mele Samolol samol ngo iy mele Kingel king.”

Revelation 2:11

“Hare yor taelengmi ngo hasa taelenga mekla yalol Espritu Santus le ye kangalur halesiya kala! “Rechokla ye kel tugulul ladeper ila re towol mes.

Revelation 2:17

“Hare yor taelengmi ngo hasa taelenga mekla Espritu Santus ye kangalur eklesia kala! “Rechokla ye kel yar tugul, ila ibele fang ngalir tot mo irel manna kowe ye llebag. Ibe wol fang ngal semal mo semal ir kasefaes feas le ye bbech le ye teftaf sew yid le ye tefoy uwol le tor semal le ye gola bo halachog yeramtala ye hasi feas la mele ye gola.

Revelation 2:7

“Hare yor taelengmi ngo hasa taelenga mekla Espritu Santus ye kekangalur eklesia kala! “Rechokla rebe kel ila ibe fang keler bo rebe mongoy mo irel uwal iral molow we ye tumul mo lal milay we yael Deus.

Revelation 21:2

Ngo isa wiri Haplom we ye Santus, Jerusalem we ye tefoy, le ye bidiy mo woal laeng mo irel Deus, le yesa faesul fel le sa wochog semal fefel kowe bele moch habulupoy le sa hallimdi hamayi mengagol bo re bela wer fengal mo mal we ril.

Revelation 22:4

Re bele wiri woal mala metal ngo mala idal ila bele teftaf woal mekla mangor.

Revelation 3:5

Rechokla ye kel yar tugul le ye yoh ngalir meka ila be iye sengal mengagur le be bbech, iwe ngo iy towe hachuya ider mo irel babior la babioror cho molow. Ngo iy be kapta loh mo fael metal mala Tamay mo angelus kala lol le ir choluway.